BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو ەۋرازياداعى ەكونوميكالىق بايلانىستى قامتاماسىز ەتۋگە ٴوز ۇلەسىن قوسۋدا — تاتيانا ۆالوۆايا

ەاەو ەۋرازياداعى ەكونوميكالىق بايلانىستىلىقتىڭ جانە تۇراقتىلىقتىڭ قامتاماسىز ەتىلۋىنە ٴوز ۇلەسىن قوسۋدا. مۇنداي پىكىردى ەۋرازيالىق ەكونوميكالىق كوميسسيانىڭ ينتەگراسيا جانە ماكروەكونوميكا جونىندەگى القا مۇشەسى تاتيانا ۆالوۆايا ايتتى، دەپ حابارلايدى baq.kz اقپارات اگەنتتىگى.

«ەاەو ەۋرازياداعى ەكونوميكالىق بايلانىستىلىقتىڭ جانە تۇراقتىلىقتىڭ قامتاماسىز ەتىلۋىنە ٴوز ۇلەسىن قوسىپ جاتىر»، – دەگەن سەنىمدە ەۋرازيالىق ەكونوميكالىق كوميسسيانىڭ (ەەك) ينتەگراسيا جانە ماكروەكونوميكا جونىندەگى القا مۇشەسى (مينيستر) تاتيانا ۆالوۆايا.

ٴمينيستردىڭ پىكىرىنشە، وداقتىڭ وسى سالاداعى الەۋەتى مول جانە دە بۇۇ جۇيەلەرىنىڭ قۇرىلىمىن قوسا ساناعاندا، نەگىزگى دەگەن حالىقارالىق ۇيىمدارمەن جوعارى باعالانىپ وتىر. بۇل تۋرالى 8 جەلتوقساندا ۆەنا قالاسىندا وتكىزىلگەن ەۋروپاداعى قاۋىپسىزدىك جانە ىقپالداستىق جونىندەگى ۇيىم (ەقىۇ) ەلدەرىنىڭ سىرتقى ىستەر مينيسترلەرىنىڭ كەڭەسى (سىمك) ٴ24-شى وتىرىسىنىڭ شەڭبەرىندە وتكىزىلگەن ۇلكەن ەۋروپا وڭىرىندەگى جانە ەۋرازيالىق كەڭىستىكتەگى ەكونوميكالىق بايلانىستىلىق، ساۋدا-ەكونوميكالىق قارىم-قاتىناستار» اتتى ارناۋلى ساراپشىلىق پىكىرتالاسىندا قاتىسقان تاتيانا ۆالوۆايا مالىمدەدى.

«بۇگىندە وڭىرلىك ەكونوميكالىق ينتەگراسيا مەملەكەتتەردىڭ اراسىنداعى ەكونوميكالىق ىنتىماقتاستىقتىڭ درايۆەرى بولىپ وتىر، ول ەكونوميكانىڭ دامۋىنداعى ديسپروپورسيانىڭ تەڭدەسۋىنە، ماكروەكونوميكالىق كورسەتكىشتەردىڭ اناعۇرلىم كونۆەرگەنسيالانۋىنا، تۇپتەپ كەلگەندە حالىقتىڭ تىرشىلىك دەڭگەيىنىڭ جاقسارۋىنا مۇمكىندىك تۋعىزادى»، – دەپ مالىمدەدى تاتيانا ۆالوۆايا.

سونىمەن بىرگە، مينيستر ٴوزىنىڭ بايانداماسىندا ەاەو وڭىرىندە بۇۇ تۇراقتى دامۋىنىڭ ماقساتتارىنا قول جەتكىزىلگەنى تۋرالى باياندامانى دايىنداۋ كەزىندە ەەك اتقارعان تالدامالىق جۇمىستىڭ كەيبىر ناتيجەلەرىن كەلتىردى. بۇل قۇجات وڭىرلىك ەكونوميكالىق بىرلەستىكتىڭ اتىنان ازىرلەنگەن العاشقىسى بولىپ وتىر. ونىڭ پرەزەنتاسياسى 2017 جىلعى شىلدەسىندە بۇۇ-دا وتكىزىلدى.

ەەك ٴمينيسترى ەاەو مۇشە مەملەكەتتەردىڭ ينتەگراسيالىق ەففەكتىسىنىڭ ارقاسىندا كوبىنەسە 2017 جىلى ەكونوميكا ٴوسىمىنىڭ جاعىمدى ديناميكاسىنا شىعۋعا قول جەتكىزىلگەنىن باسىپ ايتتى. بۇرىن، 2014-2016 جىلدارى، كۇردەلى سىرتقى ەكونوميكالىق كونيۋنكتۋراعا قاراماستان، وداقتىڭ شەڭبەرىندە ەۋرازيالىق ەكونوميكالىق كەڭىستىكتىڭ دامۋى نەگىزگى الەۋمەتتىك-ەكونوميكالىق جانە ماكروەكونوميكالىق كورسەتكىشتەر بويىنشا سونشالىقتى ەلەۋلى كەرى قايتۋلارعا جول بەرمەۋگە مۇمكىندىك بەردى. ايتا كەتەتىنى، ەاەو فورماتىنداعى ىنتىماقتاستىقتى تەرەڭدەتۋدەن بولعان جاعىمدى ناتيجەلەر كوپ دارەجەدە ەاەو بويىنشا باسقا ارىپتەستەرىن ٴبىرقاتار كورسەتكىشتەرىمەن ەلەۋلى تۇردە باسىپ وزعان، وداقتىڭ جاڭا مۇشەلەرى – ارمەنيا مەن قىرعىزستاندا بايقالدى.

پىكىرتالاستىڭ بارىسىندا تاتيانا ۆالوۆايا سونىمەن بىرگە ٴبىر نەمەسە ەكىنشى ٴبىر بىرلەستىكتىڭ ينتەگراسيالىق پروسەستەرىن تەرەڭدەتۋ عانا ەمەس، سونىمەن بىرگە كوپ دارەجەدە وڭىرلىك ينتەگراسيالىق بىرلەستىكتەر مەن ەۋرازيانىڭ جەكەلەگەن ەلدەرىنىڭ اراسىنداعى ديالوگ تا ەكونوميكالىق ىنتىماقتاستىق پەن بايلانىستىلىقتىڭ نىعايا تۇسۋىنە سەپتىگىن تيگىزگەن بولار ەدى، - دەپ نازار اۋدارتتى. مينيستر ٴوزارا جۇمىس ىستەۋدىڭ الەۋەتى تولىق كولەمدە اشىلماعاندىعىنا سەنىمدى.

«بۇگىنگى ٴبىزدىڭ ەكونوميكالىق بايلانىستىلىق جايلى ديسكۋسسيامىز ەقىۇ سىمك الاڭىندا وتكىزىلىپ جاتقاندىعى قۋانتادى. ەقىۇ بىرەگەي سيپاتىن جانە دە ەكونوميكالىق ولشەمنىڭ قولدا بار الەۋەتىن ەسكەر وتىرىپ، ۇيىمنىڭ الاڭى ينتەگراسيالاردىڭ اراسىنداعى ديالوگتى ىلگەرىلەتۋدىڭ جانە دامىتۋدىڭ ٴساتتى ورنى بولا الادى»، – دەپ مالىمدەدى ەەك ٴمينيسترى كونفەرەنسيانىڭ قورىتىندىسى بويىنشا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي