BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو ەلدەرى قازاقستانعا ينۆەستيسيا كولەمىن 43% ارتتىردى

قازاقستانعا وداق ەلدەرىنەن كەلىپ جاتقان جالپى ينۆەستيسيا اعىمى 1،3 ملرد دوللاردى قۇرادى. باستى ينۆەستور – رەسەي فەدەراسياسى، ول 1،2 ملرد دوللار ينۆەستيسيالاعان. وسى رەتتە، رەسەي ەكى جىل قاتارىنان قازاقستاندىق ەكونوميكاعا ينۆەستيسيالاۋ كولەمىن ارتتىرىپ كەلەدى دەۋگە بولادى. وسىنداي مالىمەتتەردى finprom.kz كەلتىرىپ وتىر، دەپ حابارلايدى baq.kz اقپارات اگەنتتىگى.

قازاقستانعا جالپى ينۆەستيسيا اعىمى بويىنشا ەكىنشى ورىنعا وداق ەلدەرىنىڭ ىشىنەن 2017 جىلى بەلارۋس تابان تىرەدى، ونىڭ ينۆەستيسياسى 81،4 ملرد تەڭگەنى قۇرادى. بۇل 2016 جىلعى كورسەتكىشتەن 28%-عا جوعارى.

قازاقستانعا جالپى تىكەلەي شەتەلدىك ينۆەستيسيالار اعىمىنداعى ەاەو ەلدەرى ينۆەستيسيالارىنىڭ سالىستىرمالى سالماعى 4،4-تەن 6،3%-عا دەيىن ارتتى.

ٴوز كەزەگىندە، قازاقستان ەاەو ەلدەرىنە 2017 جىلى 435 ملن دوللار ينۆەستيسيالادى. بۇل قازاقستاننىڭ جالپى ينۆەستيسيالاۋ اعىمىنىڭ 23% قۇرادى.

وداق ەلدەرىنىڭ ىشىنەن قازاقستاندىق ينۆەستورلار رەسەي فەدەراسياسىنا باسىمدىق بەرىپ، 374 ملن دوللاردى ينۆەستيسيالادى، بۇل جالپى ينۆەستيسيا اعىمىنىڭ 86% كورسەتتى. ەاەو ەلدەرىنە قازاقستاندىق ينۆەستيسيالاردىڭ كولەمى بويىنشا قىرعىزستان ەكىنشى ورىندا، 50 ملن دوللار (11،5%) ينۆەستيسيالانعان.

وزدەرىڭىز بىلەتىندەي، وتكەن جىلى قازاقستان تامىز ايىندا ۇلتتىق ينۆەستيسيالىق ستراتەگيانى ىسكە قوستى. جاڭا ينۆەستيسيالىق كوزقاراس ينۆەستيسيا كولەمىن ارتتىرۋعا جانە ٴارتاراپتاندىرۋعا باعىتتالعان.

اعىمداعى جىلدىڭ ٴتورت ايىندا قازاقستان جەدەل مالىممەتەر بويىنشا، ينۆەستيسيالىق تارتىمدىلىعىن ايتارلىقتاي ارتتىرا بىلگەن. دوللارمەن ەسەپتەگەندە نەگىزگى كاپيتالعا سىرتقى ينۆەستيسيا كولەمى 2،5 ملرد دوللاردان اسىپ جىعىلدى. وسىدان ٴبىر جىل بۇرىن ٴدال وسىنداي كەزەڭدە 1،6 ملرد دوللار تارتىلعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي