BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو بويىنشا قازاقستاننىڭ اۋىل شارۋاشىلىعى سالاسى ۇلكەن ٴوسىم كورسەتتى

قازاقستاننىڭ اۋىل شارۋاشىلىعى سالاسىندا 2018 جىلدىڭ قاڭتار-مامىر ايلارىندا ٴونىم ٴوندىرىسى 2017 جىلمەن سالىستىرعاندا 3،9% وسكەن، دەپ حابارلايدى baq.kz اقپارات اگەنتتىگى.

ەۋرازيالىق كوميسسيانىڭ مالىمەت بويىنشا، بۇل ٴوسىم وداقتىڭ وزگە مۇشە ەلدەرىمەن سالىستىرعاندا ەڭ كوبى. سونىمەن، بەلارۋسيادا ەسەپتى كەزەڭدە اۋىل شارۋاشىلىعى ٴونىمىنىڭ كولەمى 3%، رەسەيدە 2،5%، قىرعىزستاندا 1،8%، ارمەنيادا 1،4% ارتقان.

جالپى، ەۋرازيالىق ەكونوميكالىق وداققا مۇشە ەلدەردە اۋىل شارۋاشىلىعىنىڭ ٴوندىرىسى 2018 جىلدىڭ بەس ايىندا 2017 جىلدىڭ سايكەسىنشە كەزەڭىمەن سالىستىرعاندا 2،6% ٴوستى.

اتاپ وتسەك، قازاقستان 2017 جىلدىڭ قاڭتار-مامىر ايلارىندا 2016 جىلدىڭ سايكەسىنشە كەزەڭىمەن سالىستىرعاندا اۋىل شارۋاشىلىعىنىڭ ٴوندىرىسى بويىنشا 2،7% وسىممەن كوش باستاپ تۇر. ول كەزدە قىرعىزستاندا ٴوسىم 1،7%، رەسەيدە - 0،9%، بەلارۋسيادا 0،1% قۇرادى. ال، ارمەنيادا كەرىسىنشە كورسەتكىش 3،2% تومەندەگەن بولاتىن.

مال شارۋاشىلىعىنىڭ نەگىزگى ٴونىم تۇرلەرى بويىنشا قازاقستاندا 2018 جىلدىڭ قاڭتار-مامىر ايلارىندا 629،6 مىڭ توننا مال جانە قۇس ەتى ٴوندىرىلدى. اتالعان كورسەتكىش 2017 جىلدىڭ سايكەسىنشە مەرزىمىمەن سالىستىرعاندا 4،8% ارتتى.

وسى رەتتە، رەسەي ەسەپتى كەزەڭدە 5،7 ملن توننا مال جانە قۇس ەتى ٴوندىرىلدى، بۇل 2017 جىلدىڭ قاڭتار-مامىر ايلارىمەن سالىستىرعاندا 4،6% ارتتى. اتالعان ٴونىمنىڭ ٴوندىرىسى بويىنشا ەسەپتى كەزەڭدە كوشتى بەلارۋسيا باستادى – ٴوسىم 6،4% قۇرادى.

سونىمەن قاتار، قازاقستان ٴسۇت (2 ملن توننا) جانە جۇمىرتقا (2،2 ملرد) ٴوندىرىسى بويىنشا الدىڭعى قاتارعا شىقتى. 2017 جىلدىڭ بەس ايىمەن سالىستىرعاندا ٴوسىم سايكەسىنشە 2،5% جانە 15،7% كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي