BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو العاشقى سيفرلىق باستامالارى ىسكە قوسادى

جاقىن كۇندەرى سيفرلىق قاداعالاۋعا بايلانىستى بولاتىن ەۋرازيالىق ەكونوميكالىق وداقتىڭ (ەاەو) سيفرلىق كۇن ٴتارتىبىن ىسكە اسىرۋدىڭ شەڭبەرىندە العاشقى جوبا ىسكە قوسىلاتىن بولادى. بۇل تۋرالى iv ەۋرازيالىق ەكونوميكالىق كونگرەستە ەۋرازيالىق ەكونوميكالىق كوميسسيانىڭ ىشكى نارىقتار، اقپاراتتاندىرۋ، اقپاراتتىق-كوممۋنيكاسيالىق تەحنولوگيالار جونىندەگى القا مۇشەسى (مينيستر) كارينە ميناسيان ايتتى، دەپ حابارلايدى baq.kz اقپارات اگەنتتىگى.

«تاياۋ ۋاقىتتا سيفرلىق قاداعالاۋعا بايلانىستى بولاتىن ەۋرازيالىق ەكونوميكالىق وداقتىڭ (ەاەو) سيفرلىق كۇن ٴتارتىبىن ىسكە اسىرۋدىڭ شەڭبەرىندە العاشقى جوبا ىسكە قوسىلاتىن بولادى. ول ەڭ الدىمەن ساۋدا سالاسىندا، جانە ارينە مەملەكەتتىك ورگاندار ٴۇشىن ٴوزارا سيفرلىق الماسۋ جانە ٴوزارا جۇمىس ىستەۋگە قولايلى جاعدايلار جاسايدى»، – دەيدى كارينە ميناسيان.

ٴمينيستردىڭ ايتۋىنشا، سيفرلىق قاداعالاۋشىلىق ٴىسى بيزنەسكە، تۇتىنۋشىلارعا جانە مەملەكەتتىك ورگاندارعا وندىرىستەن باستاپ ساتىپ الۋشىعا دەيىنگى تاۋاردىڭ بارلىق جولىن بايقاۋعا جانە دە سول تىزبەكتىڭ بارلىق قاتىسۋشىلارىنىڭ ٴوزارا جۇمىس ىستەۋىن جەڭىلدەتۋگە مۇمكىندىك تۋعىزادى.

كارينە ميناسيان 11 قازاندا ەاەو ەلدەرىنىڭ پرەزيدەنتتەرى 2025 جىلعا دەيىن وداقتىڭ سيفرلىق كۇن ٴتارتىبىن ىسكە اسىرۋدىڭ نەگىزگى باعىتتارىن بەكىتكەنىن ەسكە سالدى.

«قۇجات ەۋرازيالىق ينتەگراسيالانۋدىڭ جاڭا سيفرلىق بەتىن اشىپ بەردى. وندا ٴبىز سيفرلىق ينتەگراسيالانۋدىڭ شەكارالارىن ايقىنداپ الدىق. ياعني، ٴبىز سيفرلىق كۇن ٴتارتىبىن تاپ قاي جەردە ىسكە اسىراتىنىمىزدى شەشىپ الدىق. سونىمەن بىرگە ىسكە اسىرۋدىڭ تەتىكتەرى ەگجەي-تەگجەيلى جازىلعان. كۇن ٴتارتىبىن جەدەل ٴارى سەنىمدى ٴتاسىل – باستامالار ارقىلى ىسكە اسىرۋعا شەشىمى جاسالدى»، – دەدى ەەك ٴمينيسترى.

وداقتىڭ ونىمدەرىنىڭ، تاۋارلارىنىڭ، قىزمەتتەرى مەن سيفرلىق اكتيۆتەرىنىڭ سيفرلىق قاداعالانۋى – باستامالار ٴۇشىن ارتىقشىلىقتاردىڭ العاشقىسى. بۇگىندە بارلىعى التاۋ بەكىتىلگەن. تاعى بەسەۋى، ولار: سيفرلىق ساۋدا، سيفرلىق كولىكتىك دالىزدەر، سيفرلىق ونەركاسىپتىك كووپەراسيا، دەرەكتەر اينالىمى تۋرالى كەلىسىم، رەتتەمەلى «قۇمسالعىش» جۇيەسى.

جورامالدى ەسەپتەمەلەر بويىنشا، ەاەو بىرلەسكەن سيفرلىق كۇن ٴتارتىبىنىڭ ىسكە اسىرىلۋى وداققا جىلىنا ٴىجو 1% قوسىمشا ٴوسىمىن اكەلەتىن بولادى، سونداي-اق 2025 جىلعا قاراي 8 ملن جاڭا جۇمىس ورىندارىن اشاتىن بولادى. وعان قوسا، كۇشتەردىڭ بىرىگۋى ەاەو ەلدەرىنە جاھاندىق سيفرلىق نارىقتىڭ تولىق قۇقىلى قاتىسۋشىسى بولۋعا مۇمكىندىك بەرەدى.

كارينە ميناسيان ساراپتامالىق جانە بيزنەس-قوعامداستىقتاردىڭ وكىلدەرىن سيفرلىق كۇن ٴتارتىبىن ىسكە اسىرۋدىڭ باستامالارىن جانە جوبالارىن تالقىلاۋعا قاتىسۋعا ٴارى وزدەرىنىڭ باستامالارىن دا ۇسىنۋعا شاقىردى.

«كەز كەلگەن ازامات نەمەسە كاسىپكەر، بيزنەس نەمەسە مەملەكەتتىك ورگان ەەك الاڭىنا وزدەرىنىڭ باستامالارىمەن كەلە الادى جانە ٴبىز ونى بەكىتىلگەن ٴتارتىپ بويىنشا مىندەتتى تۇردە قارايتىن بولامىز»، – دەدى كارينە ميناسيان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي