BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو تۋرالى كەلىسىم ٴۇش ەل ەكونوميكاسىنىڭ دامۋىنا قوسىمشا سەرپىن بەرەدى

استانا. 14 مامىر. baq.kz – بۇگىن ماسكەۋدە قر پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى. وندا ەۋرازيالىق ەكونوميكالىق وداق (ەاەو) تۋرالى كەلىسىم جوباسىن دايىنداۋ ماسەلەلەرى قارالدى. 

«ەاەو تۋرالى كەلىسىم جوباسى ازىرلەندى. كەلەسى قادام ىشكى مەملەكەتتىك پروسەدۋرالاردى جۇرگىزۋ بولادى. سونداي-اق، كەلىسىم جوباسى وسى جىلعى 29 مامىردا استانادا وتەتىن جوعارعى ەۋرازيالىق ەكونوميكالىق كەڭەس وتىرىسى بارىسىندا مەملەكەت باسشىلارىنىڭ قول قويۋىنا دايىنداۋ ٴۇشىن مەملەكەتتىك تىلگە اۋدارىلاتىن بولادى»،-دەدى ب.ساعىنتايەۆ ەەك كەڭەسى قورتىندىسى بويىنشا.

تۇتاستاي العاندا، ەاەو تۋرالى كەلىسىم جوباسى قازاقستان، رەسەي جانە بەلورۋس ەكونوميكالارىنىڭ، ونىڭ ىشىندە كولىك، ەنەرگەتيكا، اگروونەركاسىپ سالالارىنىڭ ٴوزارا ٴتيىمدى، تەڭ قۇقىقتى دامۋىنا، ورتاق نارىقتا ادال باسەكەلەستىكتى دامىتۋ ٴۇشىن ەكونوميكانى ورىستەتۋگە قوسىمشا سەرپىن بەرەدى.

تۇتاستاي العاندا، كەلىسىم جوباسىن دايىنداۋ شەڭبەرىندە كەلىسىمدەرگە قول جەتكىزۋ جونىندە العا ۇلكەن قادام جاساعانىمىزدى اتاپ وتەمىن.

«ٴبىزدىڭ بىرلەسكەن جۇمىسىمىز ەلدەرىمىز اراسىنداعى ينتەگراسيانىڭ جوعارعى دەڭگەيدە ەكەنىنىڭ كورىنىسى، تەڭ قۇقىقتى ارىپتەستىك قاتىناس الەۋەتىن ٴتيىمدى پايدالانۋعا پەيىل ەكەنىمىزدى اتاپ وتۋگە ٴتيىسپىن»،-دەپ ٴسوزىن قورتىندىلادى ب.ساعىنتايەۆ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي