BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو – تاريحي تۇرعىدان زور ماڭىزعا يە – ٴسىم باسشىسى

استانا. 16 اقپان. baq.kz – بۇگىن پارلامەنت ٴماجىلىسى ٴتوراعاسىنىڭ ورىنباسارى داريعا نازاربايەۆانىڭ جەتەكشىلىگىمەن وتكەن ۇكىمەت ساعاتىندا سىرتقى ىستەن ٴمينيسترى ەرلان ىدىرىسوۆ بايانداما جاساپ، وتكەن جىلدا ەۋرازيالىق ەكونوميكالىق وداقتىڭ نەگىزگى قۇجاتىنا استانادا قول قويىلۋى تاريحي تۇرعىدان وتە زور ماڭىزعا يە ەكەندىگىن اتاپ ٴوتتى، - دەپ حابارلايدى baq.kz ٴتىلشىسى.
 

- وتكەن جىل قازاقستان ٴۇشىن تاريحتاعى ايتۋلى وقيعالارعا تولى ەرەكشە جىل بولدى. سونداي ايتۋلى شارالاردىڭ ٴبىرى دە بىرەگەيى – ەۋرازيالىق ەكونوميكالىق وداق تۋرالى باستى كەلىسىمشارتتىڭ استانا قالاسىندا قول قويىلۋى دەپ اتار ەدىم. بۇل حالىقارالىق تۇرعىدان العاندا سىرتقى ساياساتىمىزداعى جەمىستى كورىنىستەرىنىڭ ٴبىرى بولىپ قالعانى اقيقات. ال ەندى بۇل وداقتاستىق بىزگە زايىرلىلىق پەن ەكونوميكالىق پراگماتيزمدى، ەرىكتىلىكتى، ىقپالداستىق پەن تەڭباسقارۋشىلىقتى جانە ەڭ الدىمەن، بارلىق شەشىمدەردى قابىلداۋدا حالىقارالىق ۇيىمدارمەن ىنتىماقتاستىق ورناتۋعا وڭ ىقپال ەتەتىنى ٴسوزسىز. سوندىقتان دا قازاقستاننىڭ ەۋرازيالىق ەكونوميكالىق ىقپالداستىققا قاراي العان باعىتى ٴبىزدىڭ ەلدىڭ ستراتەگيالىق تاڭداۋى ەكەندىگىن ەرەكشە اتاپ وتكىم كەلەدى، - دەدى ەرلان ٴابىلفايىز ۇلى.

ٴمينيستردىڭ مالىمدەۋىنشە، ەۋرازيا قۇرلىعىندا تاريحتا تۇڭعىش رەت رەسۋرستىق جانە تابيعي الەۋەتى جوعارى، جاھاندىق جانە ايماقتىق ماندە ستراتەگيالىق ماڭىزدى كولىكتىك، ەنەرگەتيكالىق جانە تەحنولوگيالىق ينفراقۇرىلىمى بار ەكونوميكالىق بىرلەستىك قۇرىلعاندىعى قازاقستان ەكونوميكاسىنىڭ قارىشتى دامۋىنا زور ۇلە قوساتىن كورىنەدى. ويتكەنى، ٴمينيستردىڭ بايانداۋىنشا، 2014 جىل ەلىمىزدىڭ سىرتقى ساياساتى ٴۇشىن وتە تابىستى جىل بولىپتى.

- ەلىمىز بەن شەت ەلدەردە جوعارى دارەجەلە 59 ٴىس-شارا ٴوتىپ، 70 ەكىجاقتى ساپار جاسالدى. سونىڭ اياسىندا 73 حالىقارالىق كەلىسىمگە قول قويىلعان بولسا، ونىڭ ٴۇشۋى – قازاقستان، رەسەي مەن بەلارۋس پرەزيدەنتتەرىنىڭ ەۋرازيالىق ەكونوميكالىق وداق قۇرۋ تۋرالى شارتقا قول قويۋىن تاريحي وقيعا دەۋگە بولادى، - دەيدى ول.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي