BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو سوتىنىڭ سۋديالارى انت بەردى

استانا. 11 اقپان. baq.kz – مينسكىدە ەۋرازيالىق ەكونوميكالىق وداق سوتىنىڭ سۋديالارى سالتاناتتى تۇردە انت بەردى دەپ حابارلايدى 24kz

بۇل – وتە ماڭىزدى كەزەڭ. سەبەبى سۋديا ٴوز مىندەتىنە تەك وسى راسىمنەن كەيىن عانا كىرىسە الادى. سالتاناتتى شاراعا ارمەنيا، قازاقستان جانە رەسەي ەلشىلەرى قاتىستى. سوتتاردىڭ جاۋاپتى جۇمىسىنىڭ باستالۋىمەن ەۋرازيالىق ەكونوميكالىق كوميسسيا كەڭەسىنىڭ ٴتوراعاسى ۆاسيليي ماتيۋشەۆسكيي قۇتتىقتادى. ول «2015 جىلدىڭ 1 قاڭتارىنان باستاپ ٴبىزدىڭ ەلدەر ەۋرازيالىق ەكونوميكالىق وداقتى قۇرىپ، بولاشاققا ۇلكەن قادام جاسادى. كەز كەلگەن سالماقتى ينتەگراسيالىق قۇرىلىم سياقتى ول دا ازىرگە تولىق جەتىلمەگەن، سوندىقتان سوتتاردىڭ ٴرولى وتە زور» دەپ اتاپ كورسەتتى.

الەكساندر فەدورسوۆ، ەۋرازيالىق ەكونوميكالىق وداقتىڭ سوت ٴتوراعاسى:
- سوتتىڭ مىندەتى – مۇشە مەملەكەتتەردىڭ، وداق ورگاندارىنىڭ ەۋرازيالىق ەكونوميكالىق وداق تۋرالى كەلىسىمدى، ەۋرازيالىق ەكونوميكالىق وداق اياسىنداعى حالىقارالىق كەلىسىمدەردى جانە وداقتىڭ ٴۇشىنشى تاراپتارمەن جاسالاتىن حالىقارالىق كەلىسىمدەرىن، سونداي-اق ەۋرازيالىق ەكونوميكالىق كوميسسياسى قابىلدايتىن شەشىمدەردى بىركەلكى جانە دۇرىس ٴتۇسىنۋىن، قولدانۋىن قامتاماسىز ەتۋ. سوتقا ازىرگە ەشقانداي ارىز-شاعىم تۇسكەن جوق، سەبەبى مۇنداي ارىز-شاعىمدى بەرەردىڭ الدىندا سوتقا دەيىنگى بەلگىلى راسىمدەر قاراستىرىلعان. ولارعا شامامەن 3 اي كەتۋى كەرەك.

ەۋرازيالىق ەكونوميكالىق وداق سوتىنىڭ قۇرامىنا 4 ەلدىڭ – قازاقستان، رەسەي، بەلارۋس جانە ارمەنيانىڭ وكىلدەرى – وداققا مۇشە ٴار مەملەكەت اتىنان 2 سۋديادان كىرەدى. ٴبىزدىڭ ەلىمىزدىڭ اتىنان ۆەنەرا سەيتىموۆا مەن جولىمبەت بايىشەۆ بار. ەۋرازيالىق ەكونوميكالىق وداق سوت ٴتوراعاسىنىڭ ورىنباسارى بايىشەۆ شارۋاشىلىق نىساندارىنىڭ مۇددەسىن قورعاۋداعى قۇقىقتىق ينستيتۋتتاردىڭ ٴرولىن ايرىقشا اتادى.

جولىمبەت بايىشەۆ، ەۋرازيالىق ەكونوميكالىق وداق سوت ٴتوراعاسىنىڭ ورىنباسارى:
- ەۋرازيالىق ەكونوميكالىق وداق سوتىنىڭ الەۋەتى ايرىقشا كەڭ جانە سوتتىڭ الدىندا تۇرعان ماڭىزدى مىندەتتەردىڭ ٴبىرى – شارۋاشىلىق جۇرگىزۋشى نىسانداردى قورعاۋدى قامتاماسىز ەتۋ، كاسىپكەرلىك قىزمەتتى ىسكە اسىرىپ وتىرعان، ٴتىپتى جەكە كاسىپكەر رەتىندەگى كەز كەلگەن شارۋاشىلىق سۋبەكتىلەرى قۇقىقتارى بۇزىلعان جاعدايدا سوتقا تىكەلەي جۇگىنە الادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي