BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو-نىڭ قازاقستاندىق قۇرىلىس سالاسىنا تيگىزەر پايداسى زور

استانا. 21 مامىر. baq.kz – اعىمداعى جىلدىڭ 29 مامىرىندا بەلارۋس، قازاقستان جانە رەسەي فەدەراسياسىنىڭ پرەزيدەنتتەرى ەۋرازيالىق ەكونوميكالىق وداق قۇرۋ تۋرالى كەلىسىمگە قول قويماق. جاڭا ەكونوميكالىق بىرلەستىك ٴۇش مەملەكەتتىڭ ەكونوميكالىق ينتەگراسياسىنىڭ ەڭ وزىق نىسانى بولماق. 

وداقتىڭ قازاقستاندىق قۇرىلىس سالاسىنا دا تيگىزەر پايداسى مول بولادى دەپ ەسەپتەيدى ماماندار. قر وڭىرلىك دامۋ مينيسترلىگىنە قاراستى جاڭا تەحنولوگيالار جانە عىلىمي تەحنيكالىق ساياسات باسقارما باسشىسى رۋسلان لەپەسوۆ وسى ماسەلەگە قاتىستى ٴوز ويىمەن ٴبولىستى.

- حالىقارالىق قۇقىقتىق سۋبەكتىلىككە يە جاڭا حالىقارالىق وڭىرلىك ەكونوميكالىق ينتەگراسيا ۇيىمى اياسىندا، شارت ەرەجەلەرىنە سايكەس، تاۋارلار، قىزمەت كورسەتۋلەر، كاپيتال جانە جۇمىس كۇشى قوزعالىسىنىڭ ەركىندىگى قامتاماسىز ەتىلەدى، سونداي-اق، اتالمىش شارتپەن جانە وداق اياسىنداعى حالىقارالىق شارتتارمەن انىقتالعان ەكونوميكا سالالارىندا ۇيلەستىرىلگەن، كەلىسىلگەن نەمەسە ٴبىرىڭعاي ساياسات جۇرگىزىلەتىن بولادى.

كەلىسىمنىڭ اسا ماڭىزدى ەلەمەنتتەرىنىڭ ٴبىرى - «تەحنيكالىق رەتتەۋ» ٴبولىمى.

ايتا كەتۋ كەرەك، ەكونوميكالىق ينتەگراسيانىڭ ماڭىزدى باعىتى بولىپ تابىلاتىن ساۋلەت، قالا قۇرىلىسى جانە قۇرىلىس قىزمەتتەرىنە قاتىستى تەحنيكالىق رەتتەۋدىڭ جالپى قاعيداتتارى قولدانىلاتىن بولادى. بۇل قاعيداتتاردىڭ ىسكە اسىرىلۋى وداققا مۇشە مەملەكەتتەردىڭ قۇرىلىس سالالارىنىڭ تاياۋ بولاشاقتا الەمدىك ەكونوميكالىق نارىقتا باسەكەگە قابىلەتتى بولۋلارىنا مۇمكىندىك بەرمەك.

ادامنىڭ ٴومىرىن جانە دەنساۋلىعىن، مۇلىكتى، قورشاعان ورتانى، جانۋارلار مەن وسىمدىكتەردىڭ ومىرلەرىن سونداي-اق، دەنساۋلىقتارىن قورعاۋ، تۇتىنۋشىلاردى قاتەلىككە ۇرىندىراتىن ارەكەتتەردى بولدىرماۋ جانە وداق اياسىندا ەنەرگەتيكالىق تيىمدىلىك پەن رەسۋرس ۇنەمدەلۋىن قامتاماسىز ەتۋ ماقساتىندا وداقتىڭ تەحنيكالىق رەگلامەنتتەرى دە قابىلدانادى.

بۇگىندە قۇرىلىس سالالارىن ينتەگراسيالاۋ بارىسىندا ەاەو قاتىسۋشى ەلدەرى اراسىندا تەحنيكالىق كەدەرگىلەرگە جول بەرمەۋ ماقساتىندا كەيىننەن ماتەريالدارعا ۇلتتىق ستاندارتتاردا جانە عيماراتتار مەن قۇرىلىستاردى جوبالاۋ جانە سالۋ جونىندەگى نورماتيۆتەردە كورىنىس تاباتىن ٴبىرىڭعاي بازالىق تالاپتار بەلگىلەندى.

ەاەو مۇشە مەملەكەتتەرى ەكونوميكانىڭ ۇلتتىق دامۋ دەڭگەيىن، تابيعي-كليماتتىق جانە سەيسمولوگيالىق ەرەكشەلىكتەردى، سونداي-اق ماتەريالدار مەن جۇمىستاردىڭ نورماتيۆتەر تالاپتارىنا سايكەستىگىن باعالاۋدى جۇزەگە اسىراتىن مەملەكەتتىك باقىلاۋ جانە قاداعالاۋ جۇيەسىن ەسەپكە الا وتىرىپ، بەلگىلەنگەن ٴبىرىڭعاي تەحنيكالىق رەگلامەنتكە سايكەس، ۇلتتىق دەڭگەيدە وزدىكتەرىنەن تەحنيكالىق تالاپتار بەلگىلەي الادى. كو بارلىق قاتىسۋشى ەلدەرى ٴۇشىن ورتاق تالاپتار مەملەكەتارالىق نورماتيۆتەرگە بىرىكتىرىلەدى. ولار قاجەت بولعان جاعدايدا قاتىسۋشى ەلدەردىڭ ۇلتتىق قوسىمشالارى رەتىندەگى وسى ەلدەردىڭ نورمالارىمەن تولىقتىرماق.

ەاەو ٴبىرىڭعاي تەحنيكالىق رەگلامەنتىندە عيماراتتار مەن قۇرىلىستارعا قويىلاتىن جالپى تالاپتار بەلگىلەنەدى. مەملەكەتارالىق قۇرىلىس نورمالارى (مقن) عيماراتتار مەن قۇرىلىستار تۇرلەرىنە، ينجەنەرلىك جۇيەلەرگە قويىلاتىن ەڭ از تالاپتاردى ناقتىلاۋعا ارنالعان. وسى تالاپتاردى ىسكە اسىرۋ جولدارى ۇسىنبالى تۇردە مەملەكەتارالىق ەرەجەلەر جيناقتارىندا (مەج) جانە ۇلتتىق ەرەجەلەر جيناقتارىندا (ەج) كورىنىس تابادى. تۇپكى ماقسات – جوبالاۋشىلارعا شىعارماشىلىق قابىلەتتەرىن تانىتۋ جانە جوبالاردا جاڭا تەحنولوگيالار مەن ماتەريالداردى قولدانۋ مۇمكىندىگىن بەرۋ، بۇل ادامنىڭ تۇرۋى جانە ٴومىر ٴسۇرۋى ٴۇشىن قولايلى ورتا جاساۋعا مۇمكىندىك بەرەدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي