BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو مۇشە مەملەكەتتەردىڭ ەكونوميكاسىنىڭ تۇراقتى دامۋىنا جاعداي جاسايدى - ب.مامرايەۆ

 

ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ رەكتورى، ەۋرازيا حالىقارالىق ەكونوميكالىق اكادەمياسىنىڭ اكادەميگى، پروفەسسور بەيبىت مامرايەۆ ەاەو مۇشە مەملەكەتتەردىڭ ەكونوميكاسىن تۇراقتى دامۋىنا جاعداي جاسايدى دەپ ەسەپتەيدى.

«تاريحي قادام جاسالدى - ٴۇش مەملەكەت رەسەي، بەلارۋس جانە قازاقستان ەۋرازيالىق ەكونوميكالىق وداق (ەەو) قۇرۋ تۋرالى كەلىسىمگە قول قويدى. بىرىنشىدەن، جاڭا بىرلەستىك تەك قانا ەكونوميكالىق وداق بولادى. ەۋرازيالىق ەكونوميكالىق وداق قۇرۋدا اڭگىمە تەك ەكونوميكالىق ينتەگراسيا جونىندە بولىپ وتىرعانىن ەلباسى ن.نازاربايەۆ الدەنەشە رەت مالىمدەدى. ٴبىزدىڭ ينتەگراسيالىق بىرلەستىكتە ساياسي ەگەمەندىك تۇراقتى، بۇل - اكسيوما. ونىڭ ەسەسىنە ەكونوميكالىق ينتەگراسيا ۇلتتىق مەملەكەتتىلىكتى نىعايتۋعا، ەكونوميكانى دامىتۋ ارقىلى ونى نەعۇرلىم ورنىقتى ەتۋگە مۇمكىندىك بەرەدى. وداققا كىرەتىن ٴار ەلدىڭ ەگەمەندىگى تولىق كولەمدە، سونىڭ ىشىندە حالىقارالىق دەڭگەيدە تەك نىعايىپ، وركەندەيدى»، - دەدى رەكتور.

سونىمەن قاتار ول، ينتەگراسيالىق بىرلەستىكتىڭ نەگىزىندە تەك قانا ەكونوميكالىق پراگماتيزم، اشىقتىق، بارلىق شەشىمدەردى قابىلداۋدا قۇرمەت، ەرىكتىلىك، تەڭدىك سياقتى مىزعىماس قاعيداتتار جاتىر ، دەپ قاداپ ايتتى.

«ەاەو قۇرۋ تۋرالى شارتتىڭ جوباسىنا حالىقارالىق قۇقىقتىڭ كوپشىلىك مويىنداعان قاعيدالارىن قۇرمەتتەۋ سياقتى نەگىزگى قاعيداتتار ەنگىزىلگەن»، - دەپ بەيبىت مامرايەۆ ٴوز ويىن ٴتۇيدى.
 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي