BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو كەلىسىمى شارت جاساۋدىڭ جاڭاشا قۇقىعىنا مۇمكىندىك بەرەدى

استانا. 8قاڭتار. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا دەنساۋلىق ساقتاۋ جانە الەۋمەتتىك دامۋ ۆيسە-مينيسترى سۆەتلانا جاقىپوۆا باق وكىلدەرىن ەاەو قاتىسۋشى مەملەكەتتەردە جۇمىس كۇشىنىڭ قوزعالىسىن رەتتەيتىن زاڭنامالىق نورمالارمەن جانە ەڭبەككەر-ميگرانتتارعا بەرىلەتىن كەپىلدىكتەر تۋرالى حاباردار ەتتى. 

ۆيسە-مينيستر 2015 جىلعى 1 قاڭتاردان باستاپ قىزمەتتەر، تاۋارلار جانە كاپيتالدىڭ، سونداي-اق جۇمىس كۇشتەرىنىڭ ەركىن قوزعالىسىنا جاعداي تۋعىزاتىن ەۋرازيالىق ەكونوميكالىق وداق تۋرالى كەلىسىمشارت كۇشىنە ەنگەنىن ايتا كەلە، ونىڭ جۇمىس جاعدايلارىنا كەڭىرەك توقتالدى.

- مۇنداي جاڭاشىلدىقتار جاسىرىن ميگراسيا اعىندارىن تومەندەتۋ مەن ەاەو شەڭبەرىندە الەۋمەتتىك-ەكونوميكالىق ينتەگراسيا ۇردىستەرىن تەرەڭدەتۋگە بايلانىستى قاتىسۋشى مەملەكەتتەردىڭ ازاماتتارىنىڭ تەڭ قۇقىقتارىن ىسكە اسىرۋعا مۇمكىندىك تۋعىزادى. ەرەكشە اتاپ وتسەك، كەلىسىمشارتتىڭ «ەڭبەك ميگراسياسى» دەگەن xxvi تاراۋىندا كەلەسى جاعدايلار قاراستىرىلعان. جۇمىسقا ورنالاسقان مەملەكەت اۋماعىندا ەڭبەككەردىڭ جانە ونىڭ وتباسى مۇشەلەرىنىڭ ۋاقىتشا تۇرۋى جۇمىس بەرۋشىمەن جانە جۇمىس تاپسىرۋشىمەن جاسالعان ەڭبەك جانە ازاماتتىق-قۇقىقتىق شارت قولدانىسىنىڭ مەرزىمىمەن بەلگىلەنەدى، - دەدى سۆەتلانا قابىكەنقىزى.

سونىمەن قاتار، ۆيسە-مينيستر ەندىگى جەردە مەزگىلىنەن بۇرىن شارتتىڭ بۇزىلۋى جاعدايىندا كەلگەن كۇنىنە 90 تاۋلىك وتكەننەن كەيىن ەڭبەككەر-ميگرانت جۇمىسقا ورنالاسقان مەملەكەت اۋماعىنان شىقپاي-اق، 15 كۇن ىشىندە جاڭا ەڭبەك جانە ازاماتتىق – قۇقىقتىق شارت جاساۋعا قۇقىعىنا يەلىك ەتەتىندىگىن اتاپ ٴوتتى.

 

نۇرلىبەك دوسىباي،
سۋرەتتى تۇسىرگەن – عابيت ماداليەۆ

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي