BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو – قازاقستان نارىعىن كەڭەيتتى

استانا. 20 قاڭتار. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا «عالامدىق سىناقتار كەزەڭى: جاڭا سىن-قاتەرلەر» تاقىرىبى اياسىندا كەڭەيتىلگەن دوڭگەلەك ۇستەلدە قازاقستان ستراتەگيالىق زەرتتەۋلەر ينستيتۋتىنىڭ جەتەكشى عىلىمي قىزمەتكەرى گۇلميرا يسماعۇلوۆانى سوزگە تارتقان ەدىك.

- التاي مەن اتىراۋ اراسىنداعى ۇشقان قۇستىڭ قاناتى تالاتىن سايىن دالامىزدىڭ جەر قويناۋىندا جاتقان كەن بايلىقتارىن يگەرۋ ٴۇشىن شەتەلدىڭ ينۆەستيسياسى مەن زاماناۋي وزىق تەحنولوگياسىنا مۇقتاجبىز. ال ەلگە كەلەتىن ينۆەستورلار ەڭ الدىمەن وڭدەلگەن بولسىن، وڭدەلمەگەن بولسىن، ايتەۋىر ٴونىمىن وتكىزەتىن نارىق الاڭىن قاجەت ەتەدى. دەمەك، وسى تۇرعىدان العاندا ٴبىزدىڭ بايتاق دالامىز بەن نارىقتىق شەڭبەرىمىز ٴوزارا ۇيلەسپەيدى دەگەن ٴسوز. وسى جاعىنان العاندا ەۋرازيالىق ەكونوميكالىق وداقتىڭ تيىمدىلىگى ارتاتىنى ٴسوزسىز. ياعني، تۇتىنۋ نارىعى 180 ملن ادامعا ۇلعايدى. جەر قويناۋىنداعى بايلىقتى يگەرۋدە وڭ شەشىمدەردىڭ ٴبىرى وسى، - دەيدى گۇلميرا ەربولاتقىزى.

سونداي-اق، ول مەملەكەت باسشىسىنىڭ ەلگە ينۆەستيسيا قۇيعىسى كەلەتىن ينۆەستورلارعا سالىقتىق جەڭىلدىكتەر جاساۋ كەرەكتىگىن بىرنەشە رەت ەسكەرتكەنىن ايتىپ وسىعان بايلانىستى ۇكىمەتتىڭ قولعا الىپ جاتقان وزگە دە باعدارلامالارى تۋرالى دا ٴوز پىكىرىن ٴبىلدىردى.

- ەل ايماقتارىندا ٴتۇرلى زاۋىت، كاسىپورىندار قولدانىسقا بەرىلۋدە. وسى جاعىنان العاندا جاھاندىق داعدارىستىڭ قازاقستان ەكونوميكاسىنا تيگىزەر سالقىنى سەزىلگەنىمەن، جەرگىلىكتى تۇرعىنداردى جۇمىسپەن قامتۋ ارقىلى ونىڭ اسەرىن ازايتۋعا ابدەن بولادى. بۇگىنگى تاڭدا بىزدە وسىعان بايلانىستى ٴتۇرلى باعدارلامالار قولعا الىنعان. مىسالى، ەل تۇرعىندارىنىڭ 47 پايىزى اۋىلدى جەرلەردە تۇراتىندىعىن ەسكەرسەك، ٴبىز اۋىل شارۋاشلىعى سالاسىنداعى شارۋانىڭ تاسىن ورگە دومالاتۋدى شىنداپ قولعا العانىمىز ابزال، - دەيدى ول.

 

 

نۇرلىبەك دوسىباي،
سۋرەتتى تۇسىرگەن – عابيت ماداليەۆ

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي