BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو-عا مۇشە مەملەكەتتەردىڭ باسشىلارى ماسكەۋدە باس قوسادى

 استانا. 3 جەلتوقسان. baq.kz - الداعى 23 جەلتوقساندا ەۋرازيالىق ەكونوميكالىق وداققا مۇشە مەملەكەتتەردىڭ باسشىلارى ماسكەۋدە باس قوسادى، دەپ حابارلادى  قازاقپارات اگەنتتىگى. 

 بۇل تۋرالى بۇگىن قر سىرتقى ىستەر مينيسترلىگىندە وتكەن قازاقستان-رەسەي ۇكىمەتارالىق كوميسسياسىنىڭ ٴ17-شى وتىرىسىندا رەسەي فەدەراسياسى پرەمەر-مينيسترىنىڭ ٴبىرىنشى ورىنباسارى ولەگ شۋۆالوۆ ٴمالىم ەتتى.

«قازاقستان جانە رەسەي پرەزيدەنتتەرى ماسكەۋدە 23 جەلتوقساندا كەزدەسەدى. ولاردىڭ كەزدەسۋلەرىندە تالقىلاناتىن كۇن تارتىبىندەگى تاقىرىپتار ادەتتەگىدەي وتە كوپ. بۇگىن ٴبىز سوعان بايلانىستى ەڭ كۇردەلى ماسەلەلەردى قارادىق. سونىڭ ىشىندە قازاقستاننىڭ دۇنيەجۇزىلىك ساۋدا ۇيىمىنا ەنۋىنە قولداۋ كورسەتۋگە قاتىستى ساۋالدار تالقىلاندى»، - دەپ اتاپ ٴوتتى ول.

سونىمەن قاتار بۇگىن كوميسسيا وتىرىسىندا ەكەۋارا ٴتيىمدى شەشىمدەر قارالىپ، ٴتىپتى ناقتى شەشىمدەر دە قابىلداندى. ونەركاسىپتىك كووپەراسيالار باعىتىندا دا بەلسەندى جۇمىستار اتقارىلۋدا. سول بويىنشا مينيسترلەر ونەركاسىپتىك قارىم-قاتىناستار مەن كووپەراسيالار بويىنشا ٴىس-قيمىلداردىڭ بارىسىمەن تانىستىردى.

«كەلەسى جىلدىڭ ٴبىرىنشى توقسانىندا ٴبىز ماسكەۋدە نەمەسە قازاقستاندا وسى تاقىرىپ بويىنشا تالقىلاۋلار جۇرگىزەمىز. ساۋدا-ساتتىق، ينۆەستيسيالىق ارىپتەستىك بويىنشا مەملەكەتتەر اراسىندا ەشقانداي تۇيتكىل جوق»، - دەيدى و.شۋۆالوۆ.

«سونداي-اق بۇگىنگى وتىرىستا ارمەنيانىڭ ەۋرازيالىق ەكونوميكالىق وداققا كىرۋ تۋرالى كەلىسىمدى راتيفيكاسيالاۋعا دايىندىق ماسەلەلەرى تالقىلانىپ، قىرعىز رەسپۋبليكاسىنىڭ ەۋرازيالىق ەكونوميكالىق وداققا ەنۋى تۋرالى كەلىسىمشارتتىڭ دايىندىعى پىسىقتالدى. پرەزيدەنتتەر اتالمىش قۇجاتتاردى 23 جەلتوقسانداعى كەزدەسۋدە قول قويۋ ٴۇشىن وتە قىسقا مەرزىم ىشىندە اياقتاۋدى تاپسىردى. كەلىسىلمەي قالعان ەشبىر ساۋال قالعان جوق»، - دەپ ٴتۇيدى ٴسوزىن رف ۆيسە-پرەمەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي