BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو ەڭبەك نارىعىن رەتتەۋگە قاۋقارلى

 استانا. 8 قاڭتار. baq.kz - بۇگىن ورتالىق كوممۋنيكاسيالار قىزمەتىندە وتكەن جىلدىڭ العاشقى ٴباسپاسوز ٴماسليحاتىندا دەنساۋلىق ساقتاۋ جانە الەۋمەتتىك دامۋ ۆيسە-مينيسترى سۆەتلانا جاقىپوۆا ەاەو اياسىنداعى ەڭبەك نارىعىن رەتتەۋ جايىندا باياندادى.

 - اعىمداعى جىلدىڭ العاشقى كۇنىنەن باستاپ ەۋرازيالىق ەكونوميكالىق وداق كەلىسىمى كۇشىنە ەنىپ، جۇمىس ىستەي باستاعانى بەلگىلى. وسى رەتتە ەلدەگى ەڭبەك نارىعىن رەتتەۋ ماسەلەسى قالاي بولادى دەسەك، بۇل رەتتە ٴبىز ەاەو مۇشە-مەملەكەتتەردىڭ ماقۇلداۋىمەن قابىلدانعان نەگىزگى كەلىسىمشارتقا سۇيەنە وتىرىپ ارەكەت ەتەمىز. اتاپ ايتقاندا، ەڭبەك ميگرانتتارىنىڭ قۇقىعىن جان-جاقتى قورعاۋ، ەڭبەك قاۋىپسىزدىگى مەن باقىتسىز جاعدايلاردان ساقتاندىرىلۋى، مىندەتتى زەينەتاقى اۋدارىمدارىنىڭ دۇرىس تولەنۋىن قاداعالاپ، رەتتەۋدە اتالعان كەلىسىمشارت قاۋقارلى دەپ ايتا الامىز، - دەدىد ۆيسە-مينيستر.

ونىڭ ايتۋىنشا، ەاەو ەلدەرى اراسىندا كەيبىر ارنايى سالالار عانا بولماسا، كوپتەگەن سالالاردا ماماندار ديپلومى مۇشە-مەملەكەتتەر اراسىندا تولىق مويىندالاتىن كورىنەدى.

- مۇنداي ارەكەتتەر ەاەو اياسىنداعى ەڭبەك نارىعىن رەتتەۋدە ٴوز تيىمدىلىگىن كورسەتەتىندىگى ايقىن، - دەيدى سۆەتلانا قابىكەنقىزى.

 

نۇرلىبەك دوسىباي،

سۋرەتتى تۇسىرگەن - عابيت ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي