BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو اياسىندا تاۋارلاردى تاڭبالاۋ جونىندەگى پيلوتتىق جوبا ىسكە قوسىلدى

استانا. 16 اقپان. baq.kz – ەاەو اياسىندا تاۋارلاردى تاڭبالاۋ جونىندەگى پيلوتتىق جوبا ىسكە قوسىلدى، - دەپ حابارلايدى قر ۇلتتىق كاسىپكەرلەر پالاتاسىنىڭ ٴباسپاسو قىزمەتى.

بەلگىلى بولعانداي، پالاتا 2014 جىلعى اقپان ايىنان بەرى وسى ماسەلەگە بەلسەنە قاتىسۋدا. قر بيزنەسىنىڭ تاۋارلاردى تاڭبالاۋ بويىنشا پىكىرى ۇلتتىق دەڭگەيدە دە، ۇلتتىقتىڭ ۇستىندەگى دەڭگەيدە دە، جوعارى كەلىسسوزدەر دەڭگەيىندە تالقىلاندى.

قر ۇكپ الاڭىندا جۇرگىزىلىپ جاتقان تاۋارلاردى تاڭبالاۋ جۇيەسىن قۇرۋ جۇمىستارى بويىنشا ەەك جانە سالالىق بيزنەس-قوعامداستىقتار وكىلدەرىنىڭ قاتىسۋىمەن جينالىستار بىرنەشە مارتە وتكىزىلدى. سونىمەن قاتار قر بيزنەسىنىڭ بەلورۋستىق دەلەگاسيامەن تاۋار ونىمدەرىن تاڭبالاۋ جۇيەسىندەگى تاجىريبە الماسۋ ماسەلەسى بويىنشا كەزدەسۋى ٴوتتى.

پالاتانىڭ كۇش سالۋى ناتيجەسىندە كو جانە بەك مەملەكەتتەرى باسشىلارى تاۋارلاردى تاڭبالاۋدىڭ تولىققاندى جۇيەسىن قۇرار الدىندا «پيلوتتىق» جوبانى جۇزەگە اسىرۋ قاجەتتىگى تۋرالى شەشىم شىقتى.

ەسكە سالا كەتەيىك، ەۋرازيالىق ەكونوميكالىق كوميسسيا ەاەو-دا كونترافاكتىلى ونىممەن كۇرەس ماقساتىندا جەڭىل ونەركاسىپ تاۋارلارىن تاڭبالاۋ جۇيەسىن قۇرۋدى ۇسىنعان بولاتىن. سونىمەن بىرگە ەەك بر، رف جانە قر تاڭبالاۋداعى تاجىريبەلەرىن ەسكەرگەن جوق. ٴسويتىپ، بر-دا تاڭبالاۋ جۇيەسى 2005 جىلدان بەرى جۇزەگە اسىرىلىپ كەلەدى. بۇگىنگى كۇندە تاۋارلاردىڭ شامامەن 20 توبى تاڭبالانادى. قازاقستان رەسپۋبليكاسىندا تاۋارلاردى تاڭبالاۋ تاجىريبەسى جوق جانە قاجەتتى نورماتيۆتىك-قۇقىقتىق بازاسى دا جوق.

سونىمەن قاتار، تاۋارعا سالىناتىن بازالىق تاڭبا رەتىندە ەەك rfid-بەلگىنى ۇسىندى. الايدا بۇل بەلگىنى ەنگىزۋ كەزىندەگى ەاەو مۇشە ەلدەر ٴۇشىن ەكونوميكالىق ەسەپ-قيساپتار ۇسىنىلمادى.

وسىعان وراي قر ۇكپ 2015-2016 جىلدارى كو جانە بەك مەملەكەت باسشىلارىنىڭ شەشىمىنە سايكەس تەك «پيلوتتىق» جوبانى جۇزەگە اسىرۋدى ۇسىندى.

2015 جىلعى 5 اقپاندا ماسكەۋ قالاسىندا وتكەن ەاەو مۇشە ەلدەر ۆيسە-پرەمەرلەرىنىڭ دەڭگەيىندەگى ەەك كەڭەسىندە تاڭبالاۋ جۇيەسىن قۇرۋدىڭ 3 نۇسقاسى قارالعانىن ەسكەرگەن ٴجون.

1 نۇسقا. تاڭبالاۋ جونىندەگى كەلىسىمدى قابىلداۋسىز ۇلتتىق دەڭگەيدە «پيلوتتىق» جوبانى جۇزەگە اسىرۋ.

2 نۇسقا. كوميسسيانىڭ تاۋارلاردى تاڭبالاۋدىڭ اقپاراتتىق جۇيەسى تۋرالى تەحنولوگيالىق كەلىسىمدى عانا دايىنداۋى.

3 نۇسقا. «پيلوتتىق» جوبانى جۇزەگە اسىرۋ تۋرالى كەلىسىم جوباسىن ماقۇلداۋ.

كەلىسسوزدەر قورىتىندىسى بويىنشا 2015-2016 جىلداردا «پيلوتتىق» جوبانى جۇزەگە اسىرۋ تۋرالى پالاتا ۇسىنعان نۇسقا قابىلداندى.

سونىمەن قاتار 6 اقپاندا ۇكىمەت باسشىلارى دەڭگەيىندە ۇكىمەتارالىق كەڭەستە 2015-2016 جىلدارعا ارنالعان «پيلوتتىق» جوبانى قارجىلاندىرۋ تۋرالى شەشىم قابىلداندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي