BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو اياسىندا الكوگول نارىعىن رەتتەۋ تۋرالى كەلىسىم جوباسى ازىرلەندى

استانا. 31 قازان. baq.kz - الكوگول نارىعىنداعى ٴوزارا كەدەرگىلەردى جويۋ ماقساتىندا قازىردە ەۋرازيالىق ەكونوميكالىق كوميسسيا ەۋرازيالىق ەكونوميكالىق وداق اياسىندا الكوگول نارىعىن رەتتەۋ تۋرالى كەلىسىم جوباسىن ازىرلەدى، - دەپ حابارلايدى ۇلتتىق كاسىپكەرلەر پالاتاسىنىڭ ٴباسپاسوز قىزمەتى. 

بۇل كەلىسىم جوباسى ەەك القاسىنىڭ 2013 جىلعى 25 جەلتوقسانداعى № 310 شەشىمىمەن ماقۇلدانعان بولاتىن. سونىمەن بىرگە مەملەكەتىشىلىك كەلىسۋ قورىتىندىلارى بويىنشا جوبا ايتارلىقتاي قايتا وڭدەلدى جانە بۇل قازاقستان رەسپۋبليكاسى ٴۇشىن كەلىسىم جوباسىن وسى رەداكسيادا قابىلداۋ مىناداي مۇمكىندىك بەرەدى:

1) رەسەي فەدەراسياسى تاراپىنان قامسىزداندىرۋ تولەمىنىڭ كەمسىتۋشىلىك مولشەرىن جويۋ (قامسىزداندىرۋشىلىق تولەم اكسيز مولشەرىندە ورناتىلاتىن بولادى);

2) ىلەسپە قۇجاتتاردىڭ تىزبەسىنە جانە فورمالارىنا قويىلاتىن ٴتۇرلى تالاپتارمەن بايلانىستى كەدەرگىلەردى جويۋ.

كەلىسىم جوباسى توڭىرەگىندەگى تاراپتار اراسىنداعى نەگىزگى كەلىسپەۋشىلىك الكوگول ونىمىنە اكسيزدەر مولشەرلەمەلەرىنىڭ ۇيلەسىمدىلىك ماسەلەسىمەن بايلانىستى بولىپ وتىر. رەسەيلىك تاراپ كەلىسىم جوباسىنىڭ اكسيزدەر مولشەرلەمەلەرىن تەڭەستىرگەننەن كەيىن عانا كۇشىنە ەنۋىن العا تارتۋدا.

ۇلتتىق پالاتا، ەۋرازيالىق ەكونوميكالىق وداق تۋرالى شارت تالاپتارىنا سايكەس، الكوگول نارىعىنا ٴوزارا تۇسىنىستىكتى، كەمسىتۋسىز قولجەتىمدىلىكتى قامتاماسىز ەتكەن جاعدايدا اكسيزدەر مولشەرلەمەلەرىن بىرتىندەپ جاقىنداستىرۋ عانا جۇرگىزىلۋى مۇمكىن دەپ سانايدى. مۇنداي پوزيسيانى قازاقستان رەسپۋبليكاسىنىڭ مەملەكەتتىك ورگاندارى جالپى قولدايدى.

پالاتا تاراپتار اراسىنداعى كەلىسپەۋشىلىكتەردى جەڭۋگە بولاتىنىنا جانە كەلىسىم جوباسىنىڭ جاقىن ارادا ماقۇلداناتىنىنا سەنەدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي