BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۋندەستاگ دەپۋتاتتارى ەەو قۇرۋ تۋرالى شارتتى تالقىلادى

استانا. 5 ماۋسىم. baq.kz – بەرليندە قر گفر-داعى ەلشىسى نۇرلان وڭجانوۆتىڭ بۋندەستاگ دەپۋتاتتارى – ورتالىق ازيا ەلدەرىمەن ىنتىماقتاستىق جونىندەگى پارلامەنتتىك توپتىڭ مۇشەلەرىمەن كەزدەسۋى ٴوتتى. بۇل تۋرالى قر سىرتقى ىستەر مينيسترلىگىنىڭ ٴباسپاسوز قىزمەتى حابارلادى.

كەزدەسۋ بارىسىندا قازاقستاندىق ديپلومات نەمىس پارلامەنتشىلەرىنە ٴۇ.ج. 29 مامىردا قول قويىلعان ەەو قۇرۋ شارتى تۋرالى مالىمدەدى. ول العاش رەت 1994 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە قر پرەزيدەنتى ن.ٴا.نازاربايەۆتىڭ باستاماسىمەن ۇسىنىلدى. ن.وڭجانوۆ بۇل جاڭا ينتەگراسيالىق بىرلەستىك ەكونوميكالىق بىرىگۋ بولىپ تابىلاتىنىن جانە قاتىسۋشى مەملەكەتتەردىڭ ساياسي ەگەمەندىگى مەن تاۋەلسىزدىگى ماسەلەلەرىن قوزعامايتىندىعىن اتاپ ٴوتتى.

ٴوز كەزەگىندە، توپ ٴتوراعاسى – بۋندەستاگ دەپۋتاتى مانفرەد گرۋند، ەەو قۇرۋ سوڭعى جيىرما جىل بويىنا قازاقستان، رەسەي، بەلارۋس ەلدەرىنىڭ باسشىلىعىمەن ٴوتىپ وتىرعان ينتەگراسيالىق ۇدەرىستەردىڭ زاڭداستىرىلعان جالعاسى بولىپ تابىلاتىنىن ايتتى.
تاراپتار سونداي-اق ەكىجاقتى جانە كوپجاقتى ىنتىماقتاستىقتىڭ كەڭ اۋقىمدى ماسەلەلەرىن تالقىلاپ، حالىقارالىق كۇن ٴتارتىبىنىڭ كەي اسپەكتىلەرى بويىنشا پىكىر الماستى. ەكى ەلدىڭ باسشىلارىنان بەلسەندى قولداۋ تاۋىپ وتىرعان گەرمانيا جانە قازاقستان اراسىنداعى اشىق جانە سەنىمدى ديالوگ اتاپ ٴوتىلدى.
گفر بۋندەستاگىنداعى ورتالىق ازيا ەلدەرىمەن ىنتىماقتاستىق جونىندەگى پارلامەنتتىك توپ گەرمانيا پارلامەنتى تومەنگى پالاتاسىنىڭ ورتالىق ازيا ەلدەرىنىڭ (قازاقستان، قىرعىزستان، موڭعوليا، تاجىكستان، تۇركمەنستان، وزبەكستان) ۇلتتىق پارلامەنتتەرىمەن ساياسي قاتىناستارىن جۇزەگە اسىرادى. توپتىڭ ماقساتى، باستالعان ديالوگتى ٴبىزدىڭ وڭىردەگى پارلامەنت مۇشەلەرىنىڭ اقپارات جانە پىكىر الماسۋ جولىمەن ودان ٴارى دامىتۋ. ورتالىق ازيا ەلدەرىمەن ىنتىماقتاستىق جونىندەگى پارلامەنتتىك توپ قۇرامىنا تەك نەمىس بۋندەستاگتىڭ مۇشەلەرى عانا كىرە الاتىن پارتيا ارالىق نەگىزدە قالىپتاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي