BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن ماسكەۋدە ەاەو ۇكىمەتارالىق كەڭەسىنىڭ ٴبىرىنشى وتىرىسى وتەدى

استانا. 6 اقپان. baq.kz - ەۋرازيالىق ەكونوميكالىق وداق ەلدەرى ۇكىمەتتەرىنىڭ باسشىلارى ينتەگراسيا، نورماتيۆتىك-قۇقىقتىق بازانىڭ دامۋى جانە توپتامانىڭ قىزمەتى بويىنشا ٴبىرقاتار ناقتى جوبالاردىڭ ىسكە اسىرىلۋىن تالقىلايدى. 

ەۋرازيالىق ۇكىمەتارالىق كەڭەسىنىڭ ٴبىرىنشى وتىرىسى جۇما كۇنى ماسكەۋدە وتەدى، دەپ جازادى ريا نوۆوستي.

شاراعا قازاقستان، رەسەي، بەلارۋس (1 قاڭتاردان باستاپ ٴتوراعالىق ەتەتىن ەل)، ارمەنيا جانە قىرعىزستان ەلدەرىنىڭ ۇكىمەت باسشىلارى قاتىسادى.

ەاەو-نى قۇرۋ جيىنتىق ٴجىو تمد جالپى ٴونىمىنىڭ 85 پايىزىن قۇراعان بۇرىنعى كەدەندىك وداق ەلدەرىنىڭ قاتىسۋشىلارىن ينتەگراسيانىڭ ودان دا جوعارى دەڭگەيىنە شىعارادى. وسىلايشا، تمد كەڭىستىگىندەگى (170 ميلليون ادام) ەكونوميكالىق دامۋدىڭ جاڭا قۋاتتى ورتالىعىنا اينالاتىن ٴىرى جالپى نارىقتىڭ قالىپتاسۋى اياقتالادى.

سونداي-اق وتىرىستا قىرعىزستاننىڭ ەاەو-قا قوسىلۋى ماسەلەسىنە باسا كوڭىل بولىنەدى.

بۇدان باسقا، ۇكىمەت باسشىلارى ەاەو ەلدەرىندەگى سالا كاسىپورىندارىنىڭ اراسىندا ٴوزارا ارەكەتتەسۋدىڭ مۇمكىندىكتەرىن كەڭەيتىپ، وداق اۋماعىندا شىعارىلاتىن بىلدەك جاساۋ جابدىقتارىنىڭ يننوۆاسيالىق قولدانىلۋى ارقىلى ونەركاسىپ وندىرىستەرىنىڭ جاڭعىرتىلۋىنا سەپتىگىن تيگىزەتىن بىلدەك جاساۋ بويىنشا ەۋرازيالىق ينجينيريگتىك ورتالىعىن قۇرۋدىڭ تاجىريبەلىك اسپەكتىلەرىن تالقىلايدى.

وتىرىسقا قاتىسۋشىلاردىڭ سونداي-اق ەاەو جەلىسى بويىنشا حالىقارالىق ىنتىماقتاستىقتى، سونىڭ ىشىندە وداقتىڭ نەگىزگى ساۋدا سەرىكتەستەرىمەن بىرگە ساۋدا-ەكونوميكالىق ٴوزارا ارەكەتتەستىكتىڭ باسىمدىق باعىتتارىن تالقىلايتىنى كۇتىلۋدە.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي