BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بايقوڭىرداعى مەكتەپتەر قازاقستاننىڭ ستاندارتى بويىنشا ٴبىلىم بەرەتىن بولدى

استانا. 17 جەلتوقسان. baq.kz – ماسكەۋ قالاسىندا «بايكوڭىر» كەشەنىنە قاتىستى قازاقستان-رەسەي ۇكىمەتارالىق كوميسسيا وتىرىسى ٴوتتى. وعان قر پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ، رەسەي ۇكىمەتى ٴتوراعاسىنىڭ ورىنباسارى دميتريي روگوزين، قىزىلوردا وبلىسىنىڭ اكىمى قىرىمبەك كوشەربايەۆ قاتىستى. 

بايقوڭىر قالاسىندا قازاقستان قارجىلاندىراتىن 6 ٴبىلىم ورداسى بار. اتالعان مەكتەپتەر 2015 جىلدىڭ ٴبىرىنشى قىركۇيەگىنەن باستاپ قازاقستاندىق ستاندارتتا ٴبىلىم بەرەتىن بولادى. باسقوسۋ بارىسىندا ەكى ەل ۇكىمەتى 20-شى جەلتوقسانعا دەيىن قول قويۋعا قاجەتتى قۇجاتتىڭ جوباسىن دايىنداۋعا كەلىستى.

سونداي-اق، جۇلدىزدى قالاشىقتاعى 100 كەلۋشىگە ارنالعان ايەلدەرگە كەڭەس بەرۋ ورتالىعى بار 80 ورىندىق پەرزەنتحانا رەسەي ۇكىمەتىنە جالعا بەرىلەدى. بۇل 2015 جىلدىڭ ٴ1-شى اقپانىندا جۇزەگە اسپاق. بۇعان قاتىستى قۇجاتتاردى 19-شى جەلتوقسانعا دەيىن قر دەنساۋلىق ساقتاۋ جانە الەۋمەتتىك دامۋ مينيسترلىگى، قىزىلوردا وبلىسىنىڭ اكىمدىگى، رف-نىڭ مەديسينالىق-بيولوگيالىق فەدەرالدىق اگەنتىگى جانە بايقوڭىر قالاسىنىڭ اكىمشىلىگى بىرلەسىپ ازىرلەيدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي