BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «انتيكونترافاكت» حالىقارالىق فورۋمى وتۋدە

استانا. 21 مامىر. baq.kz – vii استانا ەكونوميكالىق فورۋمى اياسىندا «انتيكونترافاكت» حالىقارالىق فورۋمى وتۋدە، - دەپ حابارلايدى baq.kz ٴتىلشىسى.

قر ادىلەت مينيسترلىگىنىڭ ۇيىمداستىرۋىمەن «انتيكونترافاكت» فورۋمى كونترافاكتىلى ونىممەن كۇرەس، زياتكەرلىك مەنشىك وبەكتىلەرىنە قۇقىقتاردى قورعاۋ جانە تاۋارلار مەن كورسەتىلەتىن قىزمەتتەردىڭ وركەنيەتتى نارىعىن قالىپتاستىرۋ سالاسىندا بيلىك، بيزنەس، عىلىم وكىلدەرىنىڭ، قۇقىق يەلەنۋشىلەردىڭ، وندىرۋشىلەردىڭ، اۆتورلار مەن جۇرتشىلىقتىڭ سىندارلى سۇحبات قۇرۋىنا ارنالعان حالىقارالىق الاڭ بولىپ تابىلادى.

«انتيكونترافاكت» فورۋمى «كەدەن وداعى جانە ٴبىرىڭعاي ەكونوميكالىق كەڭىستىك شەڭبەرىندە زياتكەرلىك مەنشىك قۇقىقتارىن ساقتاۋ جانە قورعاۋ جونىندەگى زاڭنامالاردى ۇيلەستىرۋ ماسەلەلەرى»، «ينتەرنەت جەلىسىندە زياتكەرلىك مەنشىك قۇقىقتارىن قامتاماسىز ەتۋ»، «تاعامدىق، فارماسەۆتيكالىق قاۋىپسىزدىك جانە بالالار تاۋارلارىنىڭ قاۋىپسىزدىگى – ۇلت دەنساۋلىعىنىڭ كەپىلى»، «كونترافاكتىلى ٴونىمنىڭ ٴوندىرىلۋى مەن تاراتىلۋىنا قارسى ٴىس-قيمىل» جانە «زياتكەرلىك مەنشىك قۇقىقتارىن قامتاماسىز ەتۋ – جوسىقسىز باسەكەدەن قورعاۋ» اتتى بەس سەسسيا جۇرگىزىلۋدە.

فورۋمعا قازاقستان رەسپۋبليكاسى، رەسەي فەدەراسياسى، بەلارۋس رەسپۋبليكاسى ۇكىمەتتەرىنىڭ، دۇنيەجۇزىلىك زياتكەرلىك مەنشىك ۇيىمى (دزمۇ)، ەۋرازيا ەكونوميكالىق كوميسسياسى (ەەك)، دۇنيەجۇزىلىك كەدەن وداعى (wco)، تمد جانە الىس شەتەلدەردىڭ مەملەكەتتىك ورگاندارىنىڭ، قوعامدىق ۇيىمداردىڭ وكىلدەرى، قۇقىق يەگەرلەرى، جوو وكىلدەرى جانە باسقا دا مۇددەلى تۇلعالار قاتىسۋدا. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي