اسقار مامين قازاقستاننىڭ ەەك كەڭەسىندەگى وكىلى بولىپ تاعايىندالدى

فوتو: Vlast.kz

قازاقستان رەسپۋبليكاسى پرەزيدەنتىنىڭ 2016 جىلعى 7 قازانداعى جارلىعىنا سايكەس اسقار مامين ەۋرازيالىق ەكونوميكالىق كوميسسيا كەڭەسىندەگى قازاقستاننىڭ وكىلى بولىپ تاعايىندالدى. اتالعان قىزمەتتەن باقىتجان ساعىنتايەۆ بوساتىلدى.

ەۋرازيالىق ەكونوميكالىق كوميسسيا كەڭەسىندەگى قازاقستان رەسپۋبليكاسىنىڭ وكىلى تۋرالى

قاۋلى ەتەمىن:

1. باقىتجان ٴابدىر ۇلى ساعىنتايەۆ ەۋرازيالىق ەكونوميكالىق كوميسسيا كەڭەسىندەگى قازاقستان رەسپۋبليكاسى وكىلىنىڭ وكىلدىكتەرىنەن بوساتىلسىن.

2. قازاقستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى اسقار ۇزاقباي ۇلى مامين ەۋرازيالىق ەكونوميكالىق كوميسسيا كەڭەسىندەگى قازاقستان رەسپۋبليكاسىنىڭ وكىلى بولىپ تاعايىندالسىن.

3. وسى جارلىق قول قويىلعان كۇننەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن.نازاربايەۆ

استانا، اقوردا، 2016 جىلعى 7 قازان № 356

inform.kz

تەگي
• اسقار مامين، ەۋرازيالىق ەكونوميكالىق كوميسسيا، كەڭەس، وكىل

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!