BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارمەنيانىڭ ەەو-عا قوسىلۋى شارتى دايىن

ارمەنيا رەسپۋبليكاسى وسى جىلدىڭ شىلدە ايىنا دەيىن ەەو-عا قوسىلاتىنىن مالىمدەدى. بۇل تۋرالى بۇگىن قر پرەزيدەنتى جانىنداعى وكق-نىڭ بريفينگىندە قر سىرتقى ىستەر مينيسترلىگىنىڭ ايىرىقشا ىستەر جونىندەگى ەلشىسى اسان قوجاقوۆ ايتتى.

 «بەلارۋس، قازاقستان جانە رەسەي مەملەكەتتەرىنىڭ باسشىلارى ارمەنيانىڭ ەەو-عا قوسىلۋ تۋرالى شەشىمىنە قول قويدى. ول وسى جىلدىڭ شىلدە ايىنا دەيىن ارمەنيانىڭ ەەو-عا قوسىلۋى شارتى دايىن بولاتىندىعىن بىلدىرەدى. شارتتى دايىن دەپ ايتۋعا بولادى. ازىرگە تەحنيكالىق بىرنەشە سۇراقتار بار. ارمەنيا دا جول كارتاسى قاراستىراتىن شارالاردىڭ 99 پايىزىن ورىندادى»، - دەدى ول.
«ارمەنيا ەۋرازيالىق وداققا كىرۋگە نيەتتى بولعاندىقتان، زاڭنامالىق جانە ينفراقۇرىلىمدىق تاراپى جاعىنان ەۋروپالىق پىشىنگە سايكەستەندىرىلگەن بولاتىن. دەمەك، ەل بۇل ۇردىسكە دايىن بولىپ، بارلىق شارالاردى جىلدام اياقتادى»، - دەدى ا. قوجاقوۆ.
ونىڭ ايتۋىنشا، الداعى 2-3 اپتادا تالقىلاناتىن جەكە ماسەلەلەر بار.
«بۇل نەگىزگى ماسەلەلەر ەمەس. ٴبىراق، جەكە تاۋارلاردىڭ ەنۋىنە تىكەلەي بايلانىستى. سوڭعى كەلىسسوزدەر اياسىندا بۇل سۇراقتار شەشىمىن تاپتى ەندى ولاردى ماقۇلداپ تەحنيكالىق سۇيەمەلدەۋ عانا قالدى»، - دەدى ول. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي