BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارمەنيانىڭ ەاەو-قا قوسىلۋ جايىنداعى قۇجات سەنات كوميتەتىندە قارالدى

استانا. 18 جەلتوقسان. baq.kz – بۇگىن قازاقستان رەسپۋبليكاسى پارلامەنتى سەناتى ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا ارمەنيا رەسپۋبليكاسىنىڭ قوسىلۋى تۋرالى شارتتى راتيفيكاسيالاۋ تۋرالى» زاڭ جوباسى قارالدى.

شارت كۇشىنە ەنگەن كۇننەن باستاپ ارمەنيا رەسپۋبليكاسى ەۋرازيالىق ەكونوميكالىق وداقتىڭ مۇشەسى بولادى جانە شارتتا كوزدەلگەن مىندەتتەردى وزىنە قابىلدايدى. كوميتەتتىڭ كەڭەيتىلگەن وتىرىسىندا سەناتورلار «ەۋرازيالىق ەكونوميكالىق قوعامداستىقتىڭ قىزمەتىن توقتاتۋ تۋرالى شارتتى راتيفيكاسيالاۋ تۋرالى» زاڭ جوباسىن دا قارادى. شارتقا 2014 جىلعى 10 قازاندا مينسكىدە قول قويىلعان بولاتىن.

قۇجاتتىڭ ماقساتى ەۋرازيالىق ەكونوميكالىق قوعامداستىقتىڭ، سونداي-اق ونىڭ ورگاندارى: ينتەگراسيالىق كوميتەت حاتشىلىعىنىڭ، پارلامەنتارالىق اسسامبلەياسى مەن ەۋرازەق سوتىنىڭ، سونداي-اق ەۋرازەق ينتەگراسيالىق كوميتەتىنىڭ جانىنداعى كومەكشى ورگاندار مەن سالالىق كەڭەستەردىڭ قىزمەتىن 2015 جىلعى 1 قاڭتاردان باستاپ توقتاتۋ بولىپ تابىلادى.
وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىندا كاسىپكەرلىك قىزمەت ٴۇشىن جاعدايدى تۇبەگەيلى جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ٴبىرىنشى وقىلىمدا قارالدى.

زاڭ جوباسى قازاقستان رەسپۋبليكاسى پرەزيدەنتىنىڭ 2014 جىلعى 27 اقپانداعى «قازاقستان رەسپۋبليكاسىندا كاسىپكەرلىك قىزمەت ٴۇشىن جاعدايدى جاقسارتۋ جونىندەگى تۇبەگەيلى شارالار تۋرالى» جارلىعىن ىسكە اسىرۋ ماقساتىندا ازىرلەنگەن بولاتىن.
قۇجات قازاقستان رەسپۋبليكاسىندا كاسىپكەرلىكتى دامىتۋ ٴۇشىن قولايلى جاعداي جاساۋدى، مەملەكەت پەن بيزنەس اراسىندا ارىپتەستىك ٴوزارا قاتىناس قالىپتاستىرۋدى، «انىقتاۋ جانە جازالاۋ» ساياساتىنان «الدىن الۋ جانە ادال كاسىپكەرلىكتى كوتەرمەلەۋ» ساياساتىنا اۋىسۋدى ىسكە اسىرۋدى كوزدەيدى.

زاڭ جوباسىمەن قازاقستان رەسپۋبليكاسىنىڭ ٴبىرقاتار زاڭنامالىق اكتىلەرىنە كاسىپكەرلەردى جوسپارلى تەكسەرۋدى جويۋعا، شاعىن بيزنەس سۋبەكتىلەرىن تاراتۋدىڭ وڭايلاتىلعان ٴتارتىبىن ەنگىزۋگە، كاسىپكەرلەر قۇقىقتارىن قورعاۋ جونىندەگى ۋاكىل ينستيتۋتىن ەنگىزۋگە، بيزنەستىڭ دامۋىنا كەدەرگى كەلتىرەتىن نورمالاردى بارىنشا قىسقارتۋعا، سونداي-اق جەكە كاسىپكەرلىكتى مەملەكەتتىك رەتتەۋدىڭ تيىمدىلىگىن ارتتىرۋعا باعىتتالعان تۇزەتۋلەر ەنگىزىلەتىن بولادى.
زاڭ جوباسى پالاتانىڭ قاراۋىنا جىبەرىلدى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي