الماتىدا ساعىنتايەۆ ارمەنيا پرەمەر-مينيسترىمەن كەزدەستى - ەاەو|02 اقپان 2018، 12:39
كۋرسى ۆاليۋت وبنوۆليايۋتسيا
استانا:

الماتىدا ساعىنتايەۆ ارمەنيا پرەمەر-مينيسترىمەن كەزدەستى

بۇگىن الماتىدا ەۋرازيالىق ۇكىمەتارالىق كەڭەس وتىرىسى اياسىندا قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ ارمەنيا رەسپۋبليكاسىنىڭ پرەمەر-مينيسترى كارەن كاراپەتيانمەن كەزدەسۋ وتكىزدى، دەپ حابارلايدى baq.kz اقپارات اگەنتتىگى primeminister.kz-كە سىلتەمە جاساپ.

وتكىزىلگەن كەزدەسۋلەر بارىسىندا تاراپتار سيفرلىق تەحنولوگيالاردى ەنگىزۋ جانە ورتاق جوبالاردى ىسكە اسىرۋ سالاسىنداعى ەكىجاقتى ەكونوميكالىق ىنتىماقتاستىق ماسەلەلەرىن تالقىلادى.

ايتا كەتەيىك، 2017 جىلعى قاڭتار-قاراشادا قازاقستان مەن ارمەنيا اراسىنداعى تاۋار اينالىمى 5،4 ملن دوللاردى قۇرادى. قازاقستاننىڭ ارمەنياعا ەكسپورتتايتىن نەگىزگى ونىمدەرى – اككۋمۋلياتورلار، كوتەرگىشتەر مەن دومكراتتار، موتورلى كولىك قۇرالدارىنىڭ بولشەكتەرى، مۇناي گازدارى مەن كومىرسۋتەكتەر، سورعىلار. بۇگىن قازاقستاندا ارميان كاپيتالىنىڭ قاتىسۋىمەن 268 كاسىپورىن قىزمەتتەرىن تابىستى ىسكە اسىرىپ كەلەدى.

2017 جىلعى ماۋسىمدا «ەرەۆان – استانا» رەيسىنىڭ اشىلۋى بيزنەس ورتادا جانە تۋريزم سالاسىندا ٴوزارا ٴىس-قيمىلدى دامىتۋعا سەپتىگىن تيگىزىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي