BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا 6 پرەمەر-مينيستر كەلىسسوز جۇرگىزۋ ٴۇشىن دوڭگەلەك ۇستەلگە وتىردى

ازەربايجان جانە تاجىكستان رەسمي دەلەگاسيالارى مەن قازاقستان، ارمەنيا، بەلورۋسسيا، قىرعىزستان، رەسەي، وزبەكستان مەملەكەت وكىلدەرى ٴوزارا ديالوگ قۇردى، دەپ حابارلايدى baq.kz اقپارات اگەنتتىگى.

الماتى قالاسىندا قر پرەزيدەنتىنىڭ باستاماسىمەن «جاھاندانۋ داۋىرىندەگى سيفرلىق كۇن ٴتارتىبى» اتتى حالىقارالىق فورۋم ٴوتىپ جاتىر. اتالعان شاراعا جوعارىدا اتالعان مەملەكەت وكىلدەرىمەن قاتار حالىقارالىق ٴىرى it كومپانيالارىنىڭ وكىلدەرى دە قاتىستى.

الەمنىڭ الدىڭعى قاتارىنداعى مەملەكەتتەر ٴتورتىنشى ونەركاسىپتىك رەۆوليۋسيا اياسىندا سيفرلىق سالانى دامىتۋ ٴۇشىن بارىنشا ەڭبەكتەنىپ جاتىر. فورۋمنىڭ باستى ماقساتى – باسەكەگە قابىلەتتىلىكتى ارتتىرا وتىرىپ، سيفرلىق ەكونوميكانى دامىتۋ ٴۇشىن جاسالاتىن شارالاردى بىرلەسىپ قولعا الۋ.

قر پرەمەر-مينيسترى باقىتجان ساعىنتايەۆ ەلباسى نۇرسۇلتان نازاربايەۆتىڭ كىرىسپە ٴسوزىن وقىدى.

«الەم جىلدام ٴارى تۇبەگەيلى تەحنولوگيالىق وزگەرىستەر داۋىرىنە قادام باستى. ۇلتتىق ەكونوميكا مەن حالىقتىڭ ٴومىر ٴسۇرۋ ساپاسىن جاقسارتۋدا سيفرلاندىرۋ نەگىزگى فاكتورعا اينالىپ وتىر. الەمنىڭ الدىڭعى قاتارلى مەملەكەتتەرى مەن ەۋرازيالىق وداق سيفرلاندىرۋعا قاتىستى ٴبىرقاتار ستراتەگيالىق قۇجاتتى قابىلدادى. ٴبىزدىڭ ەۋرازيالىق ەكونوميكالىق وداق تا ٴدال وسىلاي 2025 جىلعا دەيىن جاسالاتىن سيفرلاندىرۋعا قاتىستى كۇن ٴتارتىبىن ەنگىزدى.

بۇگىنگى فورۋم وسى كۇن ٴتارتىبىن جۇزەگە اسىرۋداعى ماڭىزدى شارا بولىپ وتىر. نارىقتىڭ ورتاق بولۋى سيفرلاندىرۋ ماسەلەسىنە قاتىستى بىرلەسكەن شارالار ويلاستىرۋعا ماجبۇرلەيدى. كۇش بىرىكتىرگەن جاعدايدا ەۋرازيالىق ەكونوميكالىق وداق قانا ەمەس، وسى وداققا كىرەتىن ٴار مەملەكەت دامۋعا مۇمكىندىك الادى. وسى شارانىڭ قاجەتتى شەشىمدەردى قابىلداپ، سەرىكتەستىگىمىزدى ودان ٴارى نىعايتۋعا كومەكتەسەتىنىنە سەنىمدىمىن»، - دەيدى نۇرسۇلتان نازاربايەۆ.

بۇگىن 2 اقپاندا الماتىدا مەملەكەت باسشىسى نۇرسۇلتان نازاربايەۆتىڭ باستاماسىمەن «جاھاندانۋ داۋىرىندەگى سيفرلىق كۇن ٴتارتىبى» فورۋمى وتەدى، ونىڭ اياسىندا يننوۆاسيالاردى جانە تەحنولوگيالىق كاسىپكەرلىكتى دامىتۋ، بازالىق ينتەگراسيالىق جوبالار، ەۋرازيالىق ەكونوميكالىق وداقتاعى ونەركاسىپتىك سيفرلاندىرۋ جانە اۋىل شارۋاشىلىعىن سيفرلىق ترانسفورماسيالاۋدىڭ وزەكتى ماسەلەلەرى تالقىلانادى.

فورۋم جۇمىسىنا ارمەنيانىڭ پرەمەر-مينيسترى - ك. كاراپەتيان، بەلارۋستىڭ پرەمەر-مينيسترى - ا. كوبياكوۆ، قازاقستاننىڭ پرەمەر-مينيسترى - ب. ساعىنتايەۆ، قىرعىزستاننىڭ پرەمەر-مينيسترى - س. يساكوۆ، رەسەيدىڭ پرەمەر-مينيسترى - د. مەدۆەدەۆ، سونداي-اق ٴازىربايجان مەن تاجىكستاننىڭ رەسمي دەلەگاسيالارى قاتىسادى.

ەسكە سالساق، 2017 جىلعى قازاندا جوعارعى ەۋرازيالىق ەكونوميكالىق كەڭەس وتىرىسىندا ەاەو مۇشە مەملەكەتتەردىڭ باسشىلارى 2025 جىلعا دەيىنگى سيفرلىق كۇن ٴتارتىبىنىڭ نەگىزگى باعىتتارىن بەكىتتى، سونداي-اق پرەزيدەنت نۇرسۇلتان نازاربايەۆتىڭ ەاەو ەكونوميكاسىن سيفرلاندىرۋ بويىنشا ارنايى كەزدەسۋ وتكىزۋ تۋرالى باستاماسىن قولدادى.

كۇننىڭ ەكىنشى جارتىسىندا باقىتجان ساعىنتايەۆ ەۋرازيالىق ۇكىمەتارالىق كەڭەستىڭ شاعىن جانە كەڭەيتىلگەن قۇرامداعى وتىرىسىنا قاتىسادى.

ٴىس-شاراعا ارمەنيا رەسپۋبليكاسىنىڭ پرەمەر-مينيسترى - ك. كاراپەتيان، بەلارۋس رەسپۋبليكاسىنىڭ پرەمەر-مينيسترى - ا. كوبياكوۆ، قىرعىز رەسپۋبليكاسىنىڭ پرەمەر-مينيسترى - س. يساكوۆ، رەسەي فەدەراسياسىنىڭ پرەمەر-مينيسترى - د. مەدۆەدەۆ جانە ەۋرازيالىق ەكونوميكالىق كوميسسياننىڭ القا ٴتوراعاسى ت. ساركيسيان قاتىسادى دەپ بولجانىپ وتىر.

شاعىن قۇرامدا سيفرلىق كۇن ٴتارتىبى ماسەلەلەرىن، سونداي-اق ىشكى نارىقتىڭ جۇمىس جاساۋى شەڭبەرىندەگى قاتىسۋشى ەلدەردىڭ مىندەتتەمەلەرىن قاراۋ جوسپارلانعان.

كەڭەيتىلگەن قۇرامداعى وتىرىستا قاتىسۋشىلار ماكروەكونوميكالىق جاعدايدى جانە ەاەو مۇشە مەملەكەتتەردىڭ اراسىنداعى ٴوزارا ساۋدا جاعدايىن تالقىلايدى، اگروونەركاسىپ كەشەنى، ونەركاسىپ كەشەنى دامۋىنىڭ ورتاق بولجامدارىن جانە ەاەو مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ ماسەلەلەرىن تالقىلايدى.

وتىرىس قورىتىندىسى بويىنشا ٴبىرقاتار قۇجاتتاردى قابىلداۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي