BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايماقتا 45 مىڭ شوب-تىڭ 30 مىڭى بەلسەندى قىزمەت كورسەتۋدە – ن. نوعايەۆ

بۇل جونىندە باتىس قازاقستان وبلىسىنىڭ اكىمى نۇرلان نوعايەۆ بۇگىن وتكەن قر پرەزيدەنتى جانىنداعى ورتالىق كوممۋنيكاسيالار قىزمەتىندەگى ٴداستۇرلى بريفينگتە مالىمدەدى، - دەپ حابارلايدى baq.kz ٴتىلشىسى.
 

- بۇگىنگى تاڭدا ٴبىزدىڭ وبلىسىمىزدا 45 مىڭ شاعىن جانە ورتا بيزنەس سۋبەكتىلەرى تىركەلگەن بولسا، ونىڭ 30 مىڭنان استامى نارىقتا بەلسەندى قىزمەت كورسەتۋدە. ال ٴاربىر قىزمەت ەتەتىن كاسىپورىن مەكەمەدە ورتا ەسەپپەن 3 جۇمىسشى ىستەيدى دەپ ەسەپتەسەك، مۇندا 90 مىڭنان استام ازامات جۇمىسپەن قامتاماسىز ەتىلىپ وتىر دەگەن ٴسوز، - دەدى ايماق باسشىسى.
ونىڭ ايتۋىنا قاراعاندا، ەندىگى جەردە وبلىستاعى كاسىپورىن، مەكەمەلەردىڭ قىزمەت كورسەتۋ اۋقىمى ەەو ەلدەرى اياسىندا دا ارتا تۇسەتىن كورىنەدى.
- وبلىس كاسىپكەرلەرى وزدەرىنىڭ وتاندىق ونىمدەرىمەن ٴقازىردىڭ وزىندە كورشى ەلدەرمەن تىعىز قارىم-قاتىناس ورناتىپ، رەسەي نارىعىنان وزدەرىنە تيەسىلى ۇلەستەرىن يەمدەنىپ، يگەرۋدە، - دەپ اتاپ ٴوتتى نۇرلان اسار ۇلى.
 
نۇرلىبەك دوسىباي،
سۋرەتتى تۇسىرگەن – ازات ەسەمبەكوۆ

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي