BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ا.بيجانوۆ: ەەو ارقىلى دامۋدىڭ جاڭا ساتىسىنا كوتەرىلەمىز

 استانا. 4 ماۋسىم. baq.kz – ەۋرازيالىق ىقپالداستىق قازاقستان، بەلورۋس جانە رەسەيدىڭ ەكونوميكالىق دامۋىن جاڭا ساتىعا كوتەرەدى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ بريفينگىندە قر پارلامەنتى سەناتىنىڭ دەپۋتاتى اقان بيجانوۆ مالىمدەدى.

«بۇل – وداقتاس ٴۇش ەلدىڭ كەلەشەك تاعدىرى جاڭا ارناعا بۇرىلعان، ماڭىزى زور تاريحي كەزەڭ بولىپ تابىلادى.
ول ورتاق ەكونوميكا مەن وعان قاتىسۋشىلاردىڭ ىنتىماقتاسۋ ەركىنە نەگىزدەلگەن جاڭا ەۋرازيالىق جاقىنداسۋ ورتالىعىنىڭ قالىپتاسقانىن پاش ەتتى.
وسىدان جيىرما جىل بۇرىن قازاقستان رەسپۋبليكاسىنىڭ پرەزيدەنتى ن.ٴا. نازاربايەۆتىڭ ەۋرازيا كەڭىستىگەندە ەكونوميكالىق بىرلەستىكتى قۇرۋ تۋرالى باستاماسى وداقتاس ەلدەرىندە جالپى حالىقتىق قولداۋعا يە بولىپ، قازىرگى كەزدە ناقتى اقيقاتقا اينالدى.
ەۋرازيالىق ىقپالداستىق قازاقستان، بەلورۋس جانە رەسەيدىڭ ورنىقتى ەكونوميكالىق وسىپ-وركەندەۋىنە جانە حالىقتارىنىڭ ٴال-اۋقاتىن ارتتىرۋعا جاڭا مۇمكىندىكتەر اشىلاتىن ساپالىق تۇرعىداعى جاڭا ساتىعا كوتەرىلدى.
ەكونوميكالىق وداقتاستىقتىڭ قۇرىلۋى – ەلباسىنىڭ تاۋەلسىزدىكتىڭ العاشقى جىلدارىندا-اق كورەگەندىكپەن بولجاعان جاھاندىق ىقپالداستىق ۇدەرىستەرى دامۋىنىڭ زاڭدى قورىتىندىسى بولعانىن ەرەكشە اتاپ ايتقىم كەلەدى»، - دەدى ا.بيجانوۆ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي