ساپالى مەديسينا - سالاماتتى ۇرپاق - دەنساۋلىق|01 قىركۇيەك 2016، 19:13
كۋرسى ۆاليۋت وبنوۆليايۋتسيا
استانا:

ساپالى مەديسينا - سالاماتتى ۇرپاق

انا مەن بالا دەنساۋپىعى بۇگىندە بەي- جاي قاراۋعا بولمايتىن، قاتاڭ قاداعالاۋ مەن ۇنەمى باقىلاۋدى قاجەت ەتەتىن كۇردەلى مەسەلەگە اينالىپ وتىر. ٴبۇل جاۋاپكەرشىلىك ەن ٴبىرىنشى اتا-انانىڭ ٴوز قولىندا بولسا، ودان كەيىن ادام ٴومىرىنىڭ اراشاشىسى بولىپ جۇرگەن ابزال جانداردىڭ قولىندا ەكەندىگىن جاقسى بىلەمىز. ومىرگە كەلگەن بالانىڭ تولىققاندى ساۋ-سالاماتتى بولىپ ٴوسىپ- جەتىلۋىنە، ۋاقىتىلى ەگۋ مەن ەمدەۋ شارالارىن الۋعا، جالپى ايتقاندا دەنساۋلىق سالاسىنىڭ باسپالداعىمەن ٴقاۋىپسىز ٴارى سەنىمدى قوعامنىڭ قاتارىنا قوسىلۋىنا بىردەن-بىر ىقپال ەتەتىن جەرگىلىكتى دەنساۋلىق ساقگاۋ سالاسى. ادام ٴومىرىنىڭ قاۋىپسىزدىگى مۇمكىندىگىنشە قامتاماسىز ەتىلەتىن ٴدال وسى سالا ٴجىتى نازاردا ٴۇستالىپ، مەملەكەت تاراپىنان ماتەريالدىق قولداۋ دا، دەمەۋ دە جوعارعى دەرەجەدە ورىن الىپ كەلەدى.

سونداي قولداۋلاردىڭ ٴبىرى ٴبىزدىڭ اۋدانىمىزدىڭ دەنساۋلىق سالاسىندا ٴجيى كورىنىس بەرىپ كەلەدى. اتا زاڭىمىزدىڭ مەرەيلى مەرەكەسى قارساڭىندا اۋداندىق ورتالىق اۋرۋحانانىڭ اۋماعىنان وقشاۋلانش اشىلعان بالالار كەڭەسى ٴبولىمى وسىنىڭ ٴبىر دالەلى دەسەك بولادى. تولىقتاي كۇردەلى جوندەۋدەن وتكەن بالالار ٴبولىمىنىڭ عيماراتى اپتانىڭ باسىندا سالتاناتتى تۇردە اشىلدى. اۋدان اكىمى اليمجان توحتاسۋنوۆ، وبلىستىق ٴماسليحات دەپۋتاتى ىزعاربەك بەكتۇرسىنوۆ، اۋداندىق ٴماسليحات، «نۇر وتان» پارتياسى، اۋدان اكىمىنىڭ ورىنباسارلارى، اقساقالدار جانە مەكەمە باسشىلارى ايرىقشا قۋانىشقا تولىقتاي اتسالىستى. شارانىڭ العاشقى ٴسوزى اۋدان اكىمىنە بەرىلدى. ٴوڭىر باسشىسى ٴوز سوزىندە ەڭ ٴبىرىنشى العىسىمىز كورەگەندىلىگىمەن كوش باستاپ، ەرەن ەڭبەگىمەن ەل باستاپ كەلە جاتقان ەلباسىمىز نۇرسۇلتان ٴابىش ۇلى نازاربايەۆقا بولۋى كەرەك. «ۇرپاعىمىز كەلەشەكتە دامىعان ەلدەردىڭ بالالارىمەن ٴبىر دارەجەدە ٴبىلىم الىپ، حالقىمىز وزىق ەلدەردىڭ قاتارىمەن ساپالى مەديسينالىق قىزمەت السىن دەپ، مەملەكەتىمىز گۇلدەنگەن ەلدەرمەن يىق تەڭەستىرىپ تۇرسىن دەپ، بار عۇمىرىن تىنىمسىز ەڭبەككە ارناپ كەلەدى» دەپ ەلباسىمىزدىڭ ساياساتىن ەرەكشە باعالاپ ٴوتتى.

بارشا اق حالاتتى ابزال جانداردى مەرەكەلى كۇندەرىمەن قۇتتىقتاپ، وسىنداي مۇمكىندىكتەر جاسالىپ جاتقاندا تەك قانا ايانباي ەڭبەك ەتۋ كەرەكتىگىن ەسكەرتە ٴوتتى اۋدان اكىمى. ودان كەيىنگى ٴسوز كەزەگى اۋدانىمىزدا وسىنداي ىزگى ىستەردىڭ ورىن الۋىنا ىقپال ەتىپ، حالىقتىڭ كوكەيىندەگى ساۋالدارىن بيلىككە ارقالاپ جەتكىزىپ جۇرگەن وبلىستىق ٴماسليحات دەپۋتاتى ىزعاربەك بەكتۇرسىنۇلىنا ٴۇسىنىلدى. اۋدانىمىزدا وسىنداي تىڭ وزگەرىستەر ورىن الىپ جاتقاندىعىنا ەرەكشە قۋانىشتى ەكەندىگىن ٴبىلدىرىپ، ونىڭ ىشىندە حالىقتىڭ ساۋلىعى جانە ەڭ ماڭىزدىسى بالانىڭ ٴومىر قاۋىپسىزدىگى مەن سالاماتتى بولاشاعى ٴۇشىن جاسالىپ جاتقان مىناداي ىزگىلىككە ەلباسىمىزدىڭ ولشەۋسىز ەڭبەگىمەن جەتكەن تاۋەلسىزدىگىمىزدىڭ تەڭدەسسىز تارتۋى دەپ بىلگەنىمىز ابزال ەكەندىگىن ايقىنداي ٴوتتى.

ەرەكشە قۋانىشقا كەنەلىپ جاتقان اۋداندىق ورتالىق اۋرۋحانانىڭ بالالار ٴبولىمى دارىگەرلەرى اراسىنان جاس مامان اقجولبايەۆا فاريزا ٴسوز الىپ، ٴجۇمىستارىنا جاسالىپ جاتقان جەڭىلدىك پەن ۇلكەن مۇمكىندىككە ەرەكشە ريزاشىلىقتارىن جەتكىزىپ، وبلىستىق ٴماسليحات دەپۋتاتى ىزعاربەك بەكتۇرسىن ۇلىنا، اۋدان اكىمى اليمجان توحتاسۋنوۆقا بارشا مەديڭينا قىزمەتكەرلەرى اتىنان العىسىن جاۋدىردى. سونىمەن قاتار ەلباسىمىزدىڭ ماڭىزدى قۇجاتتارى مەن ساياساتىن نازارعا الا وتىرىپ، حالىققا ادال ٴارى ساپالى قىزمەت ەتەتىندىكتەرىنە سەندىردى اعا بۋىندى. قۋانىشتىڭ كوركىن اۋداندىق ونەر قىزمەتكەرلەرىنىڭ اۋەزدى اندەرى مەن اسەرلى بيلەرى كىزدىردى. اۋدانىمىزدىڭ اقساقالدارى مەن حالىق قالاۋلىسى اعا بۋىن وكىلدەرى اۋدان باسشىلارىمەن قوسا اشىلۋ سالتاناتىنىڭ لەنتا قييۋ ٴراسىمىن ورىنداپ، جاڭا دا زاماناۋي عيماراتتى ارالاپ، تانىسىپ شىقگى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي