BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوسىمشا جارنا تولەنبەيدى

بۇل تۋرالى قر دەنساۋلىق ساقتاۋ جانە الەۋمەتتىك دامۋ ٴمينيسترى تامارا دۇيسەنوۆا مىندەتتى الەۋمەتتىك مەديسينالىق ساقتاندىرۋدى (ٴارى قاراي – ٴمامس) ەنگىزۋ بويىنشا قىزىلوردا، وڭتۇستىك قازاقستان، قوستاناي جانە سولتۇستىك قازاقستان وبلىستارىنىڭ ايماقتىق شتاب مۇشەلەرى ٴۇشىن سەلەكتورلىق تارتىپتە وتكەن سەميناردا مالىمدەدى، دەپ حابارلايدى مينيسترلىكتىڭ رەسمي سايتى.

قر ٴدسادم باسشىسى مەديسينالىق ساقتاندىرۋ جۇيەسىن ەنگىزۋدىڭ سەبەپتەرى بويىنشا قاجەتتى اقپارات بەردى. ونىڭ ايتۋىنشا، اتالعان جۇيەنى ەنگىزۋ – ەڭ الدىمەن مەديسينالىق كومەك كورسەتۋ ستاندارتتارىنىڭ ەىدۇ ەلدەرى دەڭگەيىندە بولۋىن قامتاماسىز ەتۋدى كوزدەپ وتىر.
ول مەملەكەتتىڭ قۇرامىنا 17 ميلليون قازاقستاندىقتاردى ۆاكسينالاۋ، الەۋمەتتىك ماڭىزى بار اۋرۋلارعا كورسەتىلەتىن مەديسينالىق كومەك جانە شۇعىل مەديسينالىق كومەك قىزمەتتەرى كىرەتىن تەگىن مەديسينالىق كومەكتىڭ كەپىلدىك بەرىلگەن كولەمى پاكەتىنىڭ اياسىندا مەديسينالىق قىزمەتتەرمەن قامتاماسىز ەتۋ بويىنشا قارجىلاندىرۋدىڭ بۇگىنگى تاڭداعى بار كولەمىن ساقتاپ قالاتىنىن اتاپ ايتتى. ساقتاندىرۋ مەديسيناسى جۇزەگە اسىرىلعان جاعدايدا مەملەكەت مەديسينالىق ساقتاندىرۋ قورىنا حالىقتىڭ الەۋمەتتىك تۇرعىداعى وسال توبىنىڭ 10،1 ملن. ازاماتى ٴۇشىن جارنانى تولەۋ مىندەتتەمەسىن ٴوز موينىنا الادى.
سونداي-اق، مينيستر ٴمامس جۇيەسىن ەنگىزۋ كەزىندە مەديسينالىق قىزمەتتەر ٴۇشىن ەشبىر قوسىمشا جارنا تولەنبەيتىندىگىن، ال ولاردىڭ قىزمەت كورسەتۋ ساپاسى مەديسينالىق ۇيىمداردى قارجىلاندىرۋدىڭ نەگىزگى تالابى بولاتىندىعىن مالىمدەدى.
«مەديسينالىق ساقتاندىرۋ جۇيەسىندە ەشبىر ادام قوسىمشا جارنا تولەمەيدى. قاراجاتتى تەك قانا قور تولەيدى، ول مەديسينالىق قىزمەتتەردى ستراتەگيالىق ساتىپ الۋشى بولادى. قورداعى قىزمەتتىڭ باستى باسىمدىعى – مەديسينالىق قىزمەتتەردىڭ ساپاسى بولماق»، - دەپ اتاپ ايتتى تامارا دۇيسەنوۆا.
سەمينار بارىسىندا تامارا دۇيسەنوۆا ايماقتىق شتاب وكىلدەرىنىڭ ساۋالدارىنا جاۋاپ بەرە وتىرىپ، مەديسينالىق ساقتاندىرۋ جۇيەسىنە ٴوزىن ٴوزى ٴونىمسىز ەڭبەكپەن قامتىعان ازاماتتاردىڭ قاتىسۋىنا ەرەكشە ٴمان بەردى.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي