BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينە ۇشىنداعى گۇمىر

فوتو: tvernews.ru

ادام دەنساۋلىعىنا كەرى اسەرىن تيگىزەتىن ٴارى سانانى ۋلايتىن جات ادەت ناشاقورلىقپەن كۇرەس ەلىمىزدە جىلدان-جىلعا كۇشەيىپ كەلەدى. بۇل دەرتپەن كۇرەس جۇرگىزۋدە سپيد ورتالىقتارى ماماندارىنىڭ دا ەڭبەگىن ەش كەتىرۋگە بولمايدى. ون ەكى جىلدان بەرى وقو سپيد ورتالىعىندا سەنىم بەكەتى جۇمىس ىستەپ كەلەدى. مۇندا ارنايى ٴبىر دارىگەر مەن ٴبىر مەدبيكە جۇمىس ىستەيدى. ولاردىڭ نەگىزگى قىزمەتى – ەرىكتىلەرمەن جۇمىس جاساۋ. ولار كىمدەر؟ ەرىكتىلەر وزدەرىنە قاجەتتى شپريستەردى الىپ كەتىپ تۇراتىن تۇراقتى ەسىرتكى تۇتىنۋشىلار. اتى-جوندەرى ايتىلماعانىمەن ولارعا ارىپتەن جانە ساننان تۇراتىن ٴونونيمدى كود بەرىلەدى. ٴارقايسىسىنىڭ دەربەس كودى بار ۆولەنتەرلاردى سپيد ورتالىعى ٴوز ورتالارىندا ايتۆ ٴقاۋپى تۋرالى تۇسىندىرۋگە جانە ناشاقورلارعا ٴبىر رەتتىك شپريستەر ۇلەستىرۋگە جۇمسايدى. ويتكەنى ەسىرتكىقۇمارلار دارىگەرلەردەن، نەمەسە باسقا دا بوتەن ادامداردىڭ قولدارىنان وزدەرىنە قاجەتتى بۇيىمداردى الا بەرمەيدى. ٴتىپتى توبە كورسەتپەۋى دە مۇمكىن. ٴار كەلگەن سايىن ولار قولدانعاندارىن اكەلىپ وتكىزىپ، جاڭاسىن الىپ تۇرادى. جىلىنا ەكى رەت قان الۋ ارقىلى ايتۆ تەكسەرىسىنەن وتەدى. بۇگىندە 9 جارىم مىڭنان استام ناشاقوردىڭ ٴ1905-ى تەكسەرۋدەن وتكەن.

2004 جىلى بۇۇ اياسىندا اشىلعان جيتس، ۆيچ، تۋبەرۋلەز جانە بەزگەككە قارسى كۇرەس عالامدىق قورىنىڭ ەسەبىنەن قازاقستاندا دا شپريستەر تەگىن تاراتىلعان ەكەن. كەيىننەن «سالاماتتى قازاقستان» مەلەكەتتىك باعدارلاماسىنا ەنگىزىلىپ، قارجىلاندىرۋ جەرگىلىكتى بيۋدجەت ەسەبىنەن جۇرگىزىلە باستاپتى.

وكىنىشكە قاراي، ناشاقورلاردىڭ اراسىندا وزدىگىنەن، دارىگەرلەردىڭ كومەگىنسىز ينە ەگۋدەن قۇتىلىپ كەتەتىندەرى جوقتىڭ قاسى. ينەگە جولاماي جۇرگەندەرىنىڭ وزدەرى دە ارادا بەلگىلى ٴبىر ۋاقىت وتكەن سوڭ قايتا جامان ادەتىنە باسادى ەكەن. ويتكەنى ينەكسيالىق ٴتاسىل ادامداردى ەسىرتكىگە قاتتى تاۋەلدىلىككە اپارادى. الايدا ناشاقورلىققا جانە سپيد-كە قارسى وتكىزىلىپ جاتقان ٴتۇرلى ٴىس-شارالاردىڭ ناتيجەسىندە وبلىستا ەسىرتكى تۇتىنۋشىلاردىڭ ايتۆ تاراتۋشى ۇلەسى 90 پايىزدان 13،4-كە دەيىن كەمىگەن.

rgmedia.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي