BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

انا ٴسۇتى – تابيعي قورەك («سولتۇستىك قازاقستان» گازەتى)

بۇگىندە جاس بوسانعان كەلىنشەكتەردىڭ كەيبىرى نارەستەلەرىن انا سۇتىمەن ەمەس، جاساندى ٴسۇت قوسپالارىمەن قورەكتەندىرەدى. مۇنىڭ ٴسابي دەنساۋلىعىنا قانداي زيانى بولۋى مۇمكىن؟ سولتۇستىك قازاقستان وبلىسى، اقجار اۋداندىق ورتالىق اۋرۋحانا پەدياتر-دارىگەرى سەرىكگۇل رامازان وڭىرلىك باسىلىمدا جاريالانعان ماقالاسىندا اڭگىمەلەيدى.

قازىرگى تاڭدا جاس بوسانعان كەيبىر كەلىنشەكتەر نارەستەلەرىن انا سۇتىمەن قورەكتەندىرمەيدى. ٴسىرا، ول جاس كەلىنشەكتەردىڭ سابيلەرىنە انا ٴسۇتىنىڭ قانشالىقتى پايدالى ەكەنىن دۇرىس تۇسىنبەگەندىگىنەن بولار.

مۇنداي جاعدايدا حيميالىق قۇرامى جاعىنان انا سۇتىنە ۇقساس جاساندى ٴسۇت قوسپالارى پايدالانىلادى. ٴبىراق جاس انالار قوسپالاردىڭ انا ٴسۇتىن تولىق الماستىرا المايتىنىن بىلۋلەرى كەرەك. جاساندى ٴسۇت قوسپالارىن پايدالانۋ اللەرگيالىق دياتەزگە، بالا سالماعىنىڭ شامادان تىس ارتۋىنا، اسقازان-ىشەك جولدارى قىزمەتىنىڭ بۇزىلۋىنا اكەپ سوعادى. سونىمەن قاتار بالانىڭ يممۋنيتەتىن تومەندەتىپ، جۇقپالى اۋرۋلارعا قارسىلىعىن ازايتادى.

جاڭا تۋعان نارەستەنىڭ قورعانىش جۇيەسى بەلسەندى بولمايدى. سوندىقتان دا جاڭا تۋعان نارەستە انا سۇتىنە ٴزارۋ. ٴسۇتتىڭ جاڭا تۋعان نارەستەنىڭ يممۋنيتەتىن قالىپتاستىراتىن قاسيەتى بار. انا ٴسۇتى ەمشەكتەگى ٴسابيدى ٴتۇرلى جۇقپالى اۋرۋلاردان، ونىڭ ىشىندە ىشەك اۋرۋلارىنان ساقتايدى. سەبەبى، ونىڭ كۇرامىندا يممۋنوگلوبۋلين، لاكتوفەرين، بيفيدۋم باكتەر، ليمفوسيت پەن ماكروفاگتار بار.

انا سۇتىندەگى كەيبىر بيولوگيالىق قاسيەتتەر بالانىڭ دۇرىس جەتىلۋىنە مۇمكىندىك بەرەدى. تابيعي ٴسۇتتىڭ قۇرامىندا مايدىڭ سىڭىرىلۋىنە اسەر ەتەتىن فەرمەنت – ليپازا بار. بالانى ەمشەك سۇتىمەن اسىراعاندا مايدىڭ قورىتىلۋى، ٴسىڭۋى جەڭىل بولادى.

انا سۇتىندەگى مينەرالدىق تۇزداردىڭ مولشەرى سيىر سۇتىنە قاراعاندا از جانە بۇل بالالاردا بۇيرەكتىڭ نەسەپ شىعارۋ قىزمەتى ناشارلاعان كەزدە وعان اۋىرتپالىق تۇسىرمەيدى. بالانىڭ قالىپتى تاندىك جانە ەموسيونالدى دامۋىنا ىقپال ەتەدى. بالا مەن انا اراسىنداعى بيولوگيالىق جانە ەموسيونالدىق بايلانىس جۇقپالى اۋرۋلاردان، ولاردىڭ ىشىندە جەدەل ىشەك ينفەكسيالارىنان، جەدەل رەسپيراتورلى – ۆيرۋستىق جانە باسقا جۇقپالاردان قورعايدى. اللەرگياعا بەيىمدىلىكتىڭ دامۋ ٴقاۋپى تومەندەيدى. جاق سۇيەكتەرىنىڭ دۇرىس قالىپتاسۋىنا بايلانىستى تىستەۋ مۇمكىندىگى ازايىپ، كوزدىڭ كورۋى مەن پسيحوموتورلىق دامۋى جاقسارادى. بالانىڭ اس قورىتۋ جۇيەسىندە دە وڭ وزگەرىستەر بولۋى مۇمكىن. انا سۇتىمەن قورەكتەنگەن بالا ەسەيگەندە سەمىزدىك اۋرۋىنا شالدىقپايدى. سونداي-اق، قۇلاق اۋرۋلارىنان ساقتانۋدا دا ايتارلىقتاي اسەرى بار.

العاشقى التى ايدا اناعا جۇكتىلىككە دەيىنگى دەنە سالماعىنا ورالۋعا ىقپال ەتەدى. ٴسۇت پەن انالىق بەزدىڭ قاتەرلى ىسىگىن ازايتادى.

بالانى 1،5-2 جاسقا دەيىن انا سۇتىنەن ايىرماۋ كەرەك. انا ۋىزىنا جارىماعان بالا اۋرۋشاڭ، ٴالسىز بولادى. انا ٴسۇتىن ۇزاق ەمگەن بالا مەيىرىمدى دە اقىلدى بولىپ وسەدى. مەيىرىمدىلىك انا سۇتىنەن داريتىنىن كەز كەلگەن ايەل بىلگەنى ٴجون.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي