BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەۋمەتتىك جەلىلەردەگى دارىلەر ساۋداسى زاڭسىز

فوتو: Новые фото знаменитостей

دارى-دارمەكتەردى الەۋمەتتىك جەلىلەر ارقىلى ساتۋ ٴۇردىسى بەلەڭ الىپ كەلەدى. الايدا بۇل زاڭعا قايشى ارەكەتتەر.

الەۋمەتتىك جەلىلەردە "دوراميسين ٴدارىسىن ساتامىن. نەبارى 2 تابلەتكاسى قولدانىلدى. ٴوزىم 1850 تەڭگەگە العام، 1500 تەڭگەگە بەرە سالامىن"، "ارزان ٴدارى ساتامىن! فراكسيپارين 0،3 مم جانە 0،6 مم"، "ەنسەفابول سۋسپەنزياسىن ساتامىن. 1 اي كولەمىندە ىشتىك. ىشىندە ٴالى 70%-ى بار. جارامدىق مەرزىمى 09/19. 2600 تەڭگەگە الدىم، 1500 تەڭگەگە ساتامىن" نەمەسە "ينگولياسياعا ارنالعان فەرسينول، سينەكود، بەرودۋال دارىلەرىن تەگىن بەرەمىن. بەرودۋال جاڭا. سينەكودتى بىر-ەكى رەت قولداندىق، جاراماي قالدى. فەرسينول دا جاڭالاۋ.

تەك قوراپتارىن ٴسال بۇزىپ الدىق. جارامدىق مەرزىمى جىل سوڭىنا دەيىن" سىندى جارنامالار ٴجيى جاريالاناتىن بولدى. - ٴدارىحانالاردا سەرتيفيكاتتارى، ليسەنزيالارى بار. ول جەردە دارىلەردى ساتىپ الۋ سەنىمدى. ٴبىر نارسەسى دۇرىس بولماسا، قايتا اپارىپ بەرىپ، جاۋاپ سۇراۋعا بولادى. ال قولدان الىنعان زات ٴدارى مە، جوق الدە ىشىندە باسقا دۇنيە مە، قولدانۋ مەرزىمى ٴوتىپ كەتتى مە، جوق پا بەلگىسىز جانە ەرتەڭ ٴدارى جاراماي جاتسا ونى قايتارىپ بەرە دە المايسىڭ، - دەپ ٴتۇسىندىردى قر دس جانە ٴادم مەديسينالىق جانە فارماسەۆتيكالىق قىزمەتتى باقىلاۋ كوميتەتىنىڭ شقو بويىنشا دەپارتامەنتىنىڭ باسشىسى نۇرلانعازى يبرايەۆ. - جالپى ٴۇي جاعدايىندا ەش قۇجاتتارسىز ٴدارى- دارمەك ساتۋ زاڭسىز.

ايتا كەتۋ كەرەك، قر قىلمىستىق كودەكسىنىڭ 296-بابىنا سايكەس ەسىرتكى، پسيحوتروپتى زاتتاردى، ولاردىڭ كوشىرمەلەرىن زاڭسىز ساقتاعانى ٴۇشىن 200 اەك كولەمىندەگى ايىپپۇلدان 3-7 جىلعا دەيىن باس بوستاندىعىنان ايىرۋ جازاسى قاراستىرىلعان.

دەگەنمەن، ٴۇي جاعدايىندا دا ٴدارى- دارمەك ساتۋ دۇرىس ەمەس، ويتكەنى ول دارىگە بەرىلەتىن ليسەنزيانىڭ بولۋى مىندەتتى.

اقەركە اقىلبەكقىزى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي