BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە 3d تەحنولوگيانى پايدالانۋ ارقىلى وتا جاسالدى

ەلىمىزدە ٴبىرىنشى رەت اقتوبەدە 3d تەحنولوگيانى پايدالانۋ ارقىلى باۋىر اۋىستىرۋ وتاسى جاسالدى. الەمنىڭ دامىعان، مىقتى دەگەن ەلدەرىنىڭ كوبىندە اتالعان جاڭا يننوۆاسيالىق ٴادىس بويىنشا وتا جاسالماپتى.

جالپى، اقتوبەدە ەكى كۇن بويى 8 شەبەرلىك كلاسى وتكىزىلىپ، 35 كۇردەلى وتا جاسالادى.

قازاننىڭ 2-سىنەن بەرى اقتوبەدە «قازاقستان ەندوسكوپيالىق حيرۋرگتەرى اسسوسياسياسىنىڭ» vi حالىقارالىق سەزى ٴوتىپ جاتىر. اتالعان شارا قازاننىڭ 6-سىنا دەيىن جالعاسادى. جيىنعا ەلىمىزدەگى بىلىكتى دارىگەرلەرمەن بىرگە، وڭتۇستىك كورەيا، رەسەي، ۋكراينا، ليتۆا، گرۋزيادان جۇزدەن استام ماماندار كەلدى.

سەزد اياسىندا وبلىستىق اۋرۋحانا، وبلىستىق بالالار اۋرۋحاناسى، وبلىستىق جەدەل مەديسينالىق كومەك اۋرۋحاناسى جانە م.وسپانوۆ اتىنداعى باتىس قازاقستان مەملەكەتتىك مەديسينا ۋنيۆەرسيتەتىنىڭ بازالارىندا شەبەرلىك كلاستارى ۇيىمداستىرىلادى. ماقسات — جاڭا يننوۆاسيالىق ەمدەۋ ٴادىسىن ەنگىزۋ. بۇل — ٴبىر. ەكىنشىدەن، مامانداردىڭ بىلىكتىلىگىن ارتتىرۋ.

شارا بارىسىندا شەتەلدىك بىلىكتى مامانداردىڭ قاتىسۋىمەن جالپى 35 كۇردەلى وتا جاساۋ جوسپارلانىپ وتىر.

وتالاردىڭ ەرەكشەلىكتەرى — ەندوبەينەحيرۋرگيالىق تەحنولوگيالار پايدالانىلاتىن بولادى. بۇل — ەڭ وزىق تەحنولوگيا. لاپراسكوپيالىق ٴادىس بويىنشا وتا جاساعاندا دەنە جاراقاتى از بولادى.

جاڭا عانا وبلىستىق اۋرۋحانادا لاپاروسكوپيالىق تەحنولوگيانى، ونىڭ ىشىندە 3d تەحنولوگيانى پايدالانۋ ارقىلى باۋىر اۋىستىرۋ وتاسىنىڭ ٴبىرىنشى كەزەڭى، ياعني دونوردىڭ باۋىرىن الۋ اياقتالدى. ەكىنشى كەزەڭدە باۋىردىڭ الىنعان بولىگى ناۋقاسقا سالىنادى. قۋانىشتىسى، 3d تەحنولوگيانى پايدالانۋ ارقىلى ەلىمىزدە ٴبىرىنشى رەت وتا جاسالىپ وتىر. ٴتىپتى كۇللى الەمدە بۇل تەحنولوگيا جەكەلەگەن ەلدەردە عانا قولدانىلدى. ناقتىراق ايتقاندا، وڭتۇستىك كورەيا، جاپونيادا عانا بۇل ٴادىس ارقىلى وتا جاسالدى. بۇگىن، مىنە، ەلىمىزدە، اقتوبەدە جاسالىپ جاتىر! جالپى، جىل باسىندا باۋىر اۋىستىرۋ وتاسىن بەس ناۋقاسقا جاساۋدى جوسپارلاعان بولاتىنبىز. بۇگىنگى جاسالىپ جاتقان وتا — ٴتورتىنشىسى. مۇنداي كۇردەلى وتالاردى جاساۋ ٴۇشىن ٴبىزدىڭ مەديسينالىق مەكەمەلەردە زامان تالابىنا ساي جابدىقتاردىڭ ٴبارى بار، — دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ. ونىڭ ايتۋىنشا، ٴقازىر وبلىستىق جەدەل مەديسينالىق كومەك اۋرۋحاناسىندا دا قالقانشا بەزى قىزمەتىنىڭ بۇزىلۋىنا بايلانىستى بۇرىن-سوڭدى ەلىمىزدە جاسالماعان وتە كۇردەلى وتا جاسالىپ جاتىر. اتالعان اۋرۋحانادا وڭتۇستىك كورەيانىڭ كاننام سەۆەرانس كلينيكاسىنىڭ ماماندارى مەن ٴبىزدىڭ دارىگەرلەر بىرلەسىپ، ەندوسكوپيالىق جولمەن قالقانشا بەزىنىڭ ٴتۇزىلىسىن الۋدا.

ەلباسى نۇرسۇلتان نازاربايەۆ ەلىمىزدىڭ باتىس وبلىستارىنىڭ تۇرعىندارىنا قىزمەت كورسەتۋ ٴۇشىن اقتوبەدە مەديسينالىق كلاستەر قۇرۋدى تاپسىرعان بولاتىن. مەملەكەت باسشىسىنىڭ تاپسىرماسىن ورىنداۋ ماقساتىندا كوپتەگەن شارۋالار جۇزەگە اسىرىلىپ جاتىر. بۇگىنگى يگى جۇمىستار — سونىڭ ٴبىر پاراسى، — دەيدى اسەت قاليەۆ.

جالپى ەندوسكوپيالىق حيرۋرگتەرتەردىڭ سەزىنە 500-دەن استام دارىگەر قاتىسادى.

گۇلجان بازىلقىزى

www.aktobegazeti.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي