BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زىريان اۋدانىنداعى ەت وڭدەۋشى كاسىپورىن ٴداستۇرلى برەندپەن تانىمال

زىريان اۋدانىنىڭ «احمەديانوۆا» كاسىپورنى كوپشىلىككە قازى، شۇجىق، جايا مەن بۇقتىرىلعان ەت سىندى ونىمدەر جاساۋمەن تانىمال. تەك ٴداستۇرلى رەسەپت پەن تابيعي ونىمنەن جاسالعان ونىمدەرگە سۇرانىس بىرتىندەپ ارتىپ كەلەدى – دەپ حابارلايدى baq.kz ٴتىلشىسى شقو اقپاراتتىق ورتالىعىنا سىلتەمە جاساپ.

بىرەر جىل بۇرىن ەت وڭدەيتىن كاسىپورنىن اشقان لاريسا احمەديانوۆا قازىرگى تاڭدا قازى، قارتا، شۇجىق سىندى 5 ٴتۇرلى ٴونىم ازىرلەيدى. «بيزنەستىڭ جول كارتاسى – 2020» باعدارلاماسى بويىنشا 3 ملن تەڭگە نەسيە العان كاسىپكەر ازعانا ۋاقىتتا ساپالى ونىمدەرىمەن جەرگىلىكتى جەردە بىردەن تانىلعان. ايتا كەتەتىنى ەت ونىمدەرىن جاساۋ مەن قويمادا ساقتاۋ بارىسىندا تەك ٴداستۇرلى ادىستەردى قولدانادى.

بارلىق ٴونىمدى تاپسىرىس بويىنشا ازىرلەيمىز. ٴقازىر بۇقتىرىلعان ەتىمىزگە سۇرانىس جوعارى. سەبەبى ونىڭ قۇرامىندا بۇرشاق، سويا سىندى جاساندى قوسپالار جوق. ال ازىرلەگەن شۇجىقتى تۇتىنگە قاقتاۋ ٴۇشىن تارحانكا اۋىلىنان بەلگىلى اعاشتاردىڭ جاپىراعى مەن ۇگىندىلەرىن الدىرامىز، – دەدى كاسىپورىن باسشىسى لاريسا احمەديانوۆا.

اۋدان نارىعىن قامتىعان كاسىپكەردىڭ ونىمدەرىن وسكەمەن قالاسىندا دا كوپتەپ تۇتىنادى. الداعى ۋاقىتتا تاعى بىرنەشە ەت ٴونىمىنىڭ ٴتۇرىن شىعارىپ، حالىققا ۇسىنۋدى جوسپارلاپ وتىرعانىن دا جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي