BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴجۇزىم ٴوندىرۋدى جاقسارتۋعا جاعداي جەتكىلىكتى

وقو. 20 قىركۇيەك. baq.kz - سارىاعاش – وڭتۇستىك قازاقستان وبلىسىنىڭ ەڭ ٴىرى وندىرىستىك-اگرارلىق ايماعى. بۇگىندە مۇندا نارىقتىق ينفراقۇرىلىمنىڭ نەگىزى قالانعان. سارىاعاش ەمدىك مينەرالدى سۋلارعا باي. جەرى دە وتە قۇنارلى، استىق، ماقتا، باۋ-باقشا وسىرۋگە وتە قولايلى. ايماق كوكونىس جانە ٴجۇزىم وندىرۋدە الدا كەلەدى. باسقا ايماقتارعا قاراعاندا سارىاعاشتا شاراپ، ماقتا-ماتا ونىمدەرىن وندىرۋگە جانە تۋريستىك كلاستەرلەردى وركەندەتۋگە مۇمكىندىكتەر مول.رەسپۋبليكادا شاراپ كلاستەرىن دامىتۋعا وڭتۇستىكتىڭ كليماتتىق جاعدايى وتە قولايلى. بۇل تۋرالى «ەگەمەن قازاقستان» گازەتىنىڭ ٴتىلشىسى ورالحان ٴداۋىت حابارلايدى.

 

كەشە ەلباسى نۇرسۇلتان نازاربايەۆ سارىاعاشتاعى ٴجۇزىم القابىندا بولىپ، وسىنداعى «caspian food» جشس جاڭا كاسىپورنىنىڭ جۇمىسىمەن تانىستى. بۇل زاۋىت سوڭعى ٴۇش جىلدا 222 گەكتار جەرگە ٴجۇزىمنىڭ جاڭا سورتتارىن وتىرعىزىپ، بيىل سونىڭ 123 گەكتارىنان ٴونىم جيناپ جاتىر. قازىرگە دەيىن 570 توننا ٴونىم جينالدى. «فرانسياعا جاساعان ساپارلاردىڭ بىرىندە ٴىرى شاراپ وندىرۋشىلەرمەن كەزدەسىپ، ەلىمىزدە ساپالى شاراپ ٴوندىرۋ جايىن تالقىلاعانىم بار. ونداعى ماماندار ەلىمىزگە كەلىپ، جوعارى ساپالى شاراپ دايىنداۋ ٴۇشىن جاڭا ٴجۇزىم سورتتارىن وتىرعىزىپ، زاماناۋي تەحنولوگيامەن جۇمىس جاسايتىن قۇرالدار كەرەك دەگەن ەدى. وسىنى ىسكە اسىرۋ ٴۇشىن جەرگىلىكتى بيلىك 600 گەكتار جەر ٴبولدى. مۇندا جوعارى سۇرىپتى ٴجۇزىم ەگىلىپ، زاماناۋي زاۋىت بوي كوتەرەدى. بۇل شاراپ بولاشاقتا قازاقستاننىڭ اتىن شىعاراتىن برەندكە اينالادى»، دەدى شاراپ زاۋىتىنىڭ باسشىلارىمەن كەزدەسكەن مەملەكەت باسشىسى ن.نازاربايەۆ.

بۇگىندە زاۋىتقا قاراستى جەر تەلىمدەرىنە ٴجۇزىمنىڭ جوعارى ساپالى «ركاسيتەلي»، «ساپەراۆي» جانە فرانسۋزدىق «كابەرنە فران»، «كابەرنە سوۆينون»، «سوۆينون بلانش» جانە تاعى باسقا سورتتارى ەگىلگەن. جالپى، سارىاعاش اۋدانىندا ٴدال ٴقازىر 2205 گەكتار ٴجۇزىم القابى بار، ونىڭ ٴ1388-ى ٴونىم بەرۋدە. ال قالعانى ٴالى جاس، ەندى جايقالىپ ٴوسىپ كەلەدى. بيىل اۋدان سونىڭ ٴار گەكتارىنان 72،4 سەنتنەردەن ٴجۇزىم جيناپ، بارلىعى 10 054 توننا ٴونىم الۋدى جوسپارلاپ وتىر. سونداي-اق، سارىاعاشتا 4 شاراپ زاۋىتى جۇمىس ىستەيدى. ولار جىلىنا 33،0 مىڭ توننا شاراپ ونىمدەرىن شىعارادى.

بۇگىنگى كۇننىڭ تالابى – بۇرىنعىداي جيناپ العان ٴونىمدى بىردەن بازارعا اپارىپ ساتۋدان بۇرىن ونى ساپالى وڭدەۋ بولىپ وتىر. سەبەبى، الا جازداي توككەن تەردىڭ اقىسىن نارىقتاعى ارزان باعاعا تەلىگەنشە، اتالعان ٴونىمدى وڭدەۋ ارقىلى مول پايداعا كەنەلۋدى ويلاستىرۋ كەرەك. سوڭعى جىلدارى وبلىستا جۇزىمدىك ەگىس القاپتارىنىڭ كولەمىن ارتتىرۋدا، ٴونىمدى وڭدەۋدە تياناقتى جۇمىستار اتقارىلىپ كەلەدى. بيىل جەمىس-جيدەك پەن ٴجۇزىم ەكپەلەرىنىڭ كولەمى ۇلعايىپ، 27،0 مىڭ گەكتاردى قۇرادى. كەڭەس ٴداۋىرى كەزىندە جەمىس-جيدەك داقىلدارى مەن ٴجۇزىمنىڭ كوپجىلدىق ەكپەلەرىنەن ەڭ جوعارى ونىمدىلىك 1990 جىلى الىنىپ، 137،0 مىڭ توننانى قۇراعان ەكەن. بيىل 26،0 مىڭ تونناعا ارتىپ، 163،0 مىڭ توننا ٴونىم جينالادى دەپ كۇتىلۋدە. ەندى وسى ٴونىمدى ۇتىمدى وڭدەۋ جاعىن ويلاستىرۋ قاجەت.


 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي