BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەمىستىڭ تەز ٴپىسۋى كۇمان تۋدىرادى

  استانا. 11 تامىز. baq.kz –جەمىس-جيدەك داستارقاننىڭ ٴسانى ٴارى دارۋمەندەرگە باي ەكەنى بارشاعا ايان. قازىرگى كوكونىستەردىڭ اعزاعا پايدالى ەكەنىنە كوپشىلىكتىڭ كۇمانى بار. سەبەبى بازار مەن دۇكەن سورەلەرىندە تۇرعان كوكونىس پەن جەمىس-جيدەكتىڭ ساپاسى كوڭىل كونشىتپەيدى. رەسمي دەرەكتەر ٴقازىر قازاقستاندىقتاردىڭ جارتىسىنان استامى تابيعي تاعام تۇتىنبايتىنىن ايعاقتايدى.

 ساۋدا ورىندارىنداعى كوكونىستەر مەن جەمىس-جيدەكتەردىڭ ٴبىرى جەرگىلىكتى جىلىجايلاردان الىنسا، ەندى ٴبىرى ەلىمىزدىڭ وڭتۇستىك وڭىرلەرى مەن كورشى وزبەكستان مەن قىتايدان اكەلىنەدى. وسى تۇستا ٴبىز كۇندەلىكتى پايدالانىپ جۇرگەن كوكونىستەر مەن جەمىس-جيدەكتەردىڭ ساپاسى قانداي؟ ٴتۇرلى تىڭايتقىش ارقىلى وندىرىلەتىن ٴونىم ادام اعزاسىنا ٴقاۋىپتى ەمەس پە دەگەن ساۋالدار تۋىندايدى. وسى ورايدا قر دسم مەملەكەتتىك سانيتارلىق-ەپيدەميولوگيالىق قا­داعالاۋ كوميتەتىنىڭ الماتى قالاسى بويىنشا دەپارتامەنتى ازىق-تۇلىك نىساندارىن سانيتارلىق-گيگيەنالىق قاداعالاۋ ٴبولىمىنىڭ باس مامانى دينارا ٴسادۋاقاسوۆانىڭ ايتۋىنشا، ۇستىمىزدەگى جىلدىڭ 20 مامىرىنان تامىزدىڭ ەكىنشى جۇلدىزىنا دەيىن قوعامدىق تاماقتانۋ جانە ساۋدا ورىندارىن جوس­پارلى تەكسەرۋ كەزىندە 411 كوكونىس جانە جەمىس-جيدەكتىڭ سىناماسى الىنىپ، زەرتحانالىق تەكسەرۋدەن وتكەن. ماماندار كوكونىستىڭ ساپاسى مەن قاۋىپسىزدىگىن انىقتايتىن قۇجاتتاردى قاراپ، زەرتحاناعا جيىرما ٴتورت سىناما الىپتى. نەگىزىنەن ٴونىم تەز ٴپىسۋى ٴۇشىن نيترات قوسىندىلارى بار تىڭايتقىشتار پايدالانىلادى. مىنە، سول تەكسەرۋ كەزىندە ونىمدەردىڭ قۇرامىنداعى نيترات مولشەرى 1،4 ەسەگە دەيىن رۇقسات ەتىلگەن دەڭگەيدەن اسقانى انىقتالعان. وسىعان بايلانىس­تى، 980 كيلوگرامعا جۋىق كوكونىس پەن جەمىس-جيدەك ساۋدادان الىنعان ەكەن. دينارا ەرمەكقىزىنىڭ ايتۋىن­شا، بۇنداي تىڭايتقىشتاردىڭ كوپ مولشەردە بولۋى ادام دەنساۋلىعىنا كەرى اسەرىن تيگىزىپ، ٴتىپتى ۋلانۋعا دۋشار ەتۋى مۇمكىن ەكەن. سوڭعى ۋاقىتتا ماماندار نيتراتى كوپ جەمىس-جيدەكتەردى ۇنەمى پايدالانۋ قاتەرلى ىسىك اۋرۋىنا شالدىقتىراتىنىن، ونىڭ ىشىندە اس قورىتۋ جۇيەسىنىڭ قاتەرلى ىسىگىنە، جۇرەك، جۇيكە جۇيەسى قىزمەتىنىڭ بۇزىلۋىنا اكەلىپ سوقتىراتىنىن ەسكەرتىپ ٴجۇر. بۇعان دا قۇلاق تۇرگەن ابزال. ەندى بايقاپ قاراساق، بۇل قالامىزداعى دۇكەندەر مەن بازارلاردان الىنعان زەرتتەۋ ناتيجەسى. الايدا ەش قۇجاتى جوق قانشاما «جابايى» ساۋدا ورىندارى بار. وكىنىشتىسى، سانيتارلىق-ەپيدەميولوگيالىق قاداعالاۋ كوميتەتىنىڭ بۇلاردى تەكسەرۋگە ەشقانداي قۇزىرى جوق ەكەن. ال قاراپايىم حالىقتىڭ باسىم بولىگى ساۋ­داسىن وسىنداي «جابايى» ورىنداردا جاسايدى. سوندا ساۋداداعى كوكونىستەر مەن جەمىس-جيدەكتەردىڭ ادام اعزاسىنا قانشالىقتى زياندى ەكەنى بەيمالىم بولعانى ما؟!
تاعى ٴبىر ايتا كەتەتىنى، قازاقستان ازىق-تۇلىك ونىمدەرىنىڭ ٴالى كۇنگە 60 پايىز­دان استامىن الىس-جاقىن شەتەلدەن تاسىمالدايدى. سونىڭ ىشىندە جەمىس-جيدەك پەن كوكونىستىڭ كوپ جاعدايدا قىتاي مەن وزبەكستاننان كەلەتىنىن ٴبارىمىز بىلەمىز. وسى تۇستا ٴوز حالقىمىزدىڭ كوكونىس پەن جەمىس-جيدەكتەرگە سۇرانىسىن ٴوزىمىز قاناعاتتاندىرا المايمىز با دەگەن ساۋال تۋادى. قانداي جاعدايدا وسىرگەنى بەيمالىم جەمىس-جيدەكتى ساتىپ العانشا، ٴوزىمىزدىڭ باقشالارىمىزدا وسىرىلگەن جەمىستى نەگە الماسقا؟!
شىنى كەرەك، قالىڭ جۇرت ساۋ­دا جاساعاندا ساتىپ الار جەمىسىنىڭ قۇرتى جوق، سىرتى ٴبۇتىن جانە باعاسى قولجەتىمدى بولعانىنا نازار اۋدارادى. ال سول سىرتى تەگىس، شىرىمەيتىن المانىڭ استىندا قانداي قۇپيا جاتقانىن ەشقايسىمىز ويلانبايمىز دا. سول سەبەپتى، اسىرەسە جاز مەزگىلىندەگى «جابايى» ساۋدا نۇكتەلەرىندە ساتىلاتىن كوكونىس پەن جەمىس-جيدەكتىڭ ساپاسى ٴجىتى قاداعالانۋ قاجەت. رۇقسات قاعازى جوق، اكەلىنگەن تاۋارىنىڭ دا قۇجاتى جوق ساۋدا جاساۋشىلارمەن كۇرەستى كۇشەيتكەن ابزال. سونىمەن قاتار سانيتارلىق-ەپيدەميولوگيالىق قاداعالاۋ ماماندارىن كوبەيتكەن ٴجون. سوندا زەرتحانالىق تەكسەرۋلەردى ٴجيى وتكىزۋگە دە مۇمكىندىك بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي