BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاستارعا كاسىپكەرلىكتىڭ قىر-سىرى ٴتۇسىندىرىلدى

«نۇر وتان» پارتياسى قىزىلوردا قالالىق فيليالى «جاستار وتانعا!» پارتيالىق جوبا اياسىندا ەلباسى جولداۋىنداعى شاعىن جانە ورتا كاسىپكەرلىكتى دامىتۋ ماقساتىندا ستۋدەنت جاستار مەن كاسىپكەرلەر اراسىندا كەزدەسۋ وتكىزدى، دەپ حابارلايدى baq.kz.

قىزىلوردا قالالىق پارتيا فيليالى ٴتوراعاسىنىڭ ٴبىرىنشى ورىنباسارى ٴشارىپ ٴابدىراحمانوۆ جولداۋدا پرەزيدەنت بەس باسىم باعىتتاردى بەلگىلەپ بەرگەگىن، ونىڭ ەكىنشى باسىمدىعى – بيزنەس-ورتانى تۇبەگەيلى جاقسارتۋ جانە كەڭەيتۋ ەكەنىن اتاپ ٴوتتى. سونىڭ ىشىندە اسىرەسە كىشى جانە ورتا بيزنەستىڭ دامۋىنا ەرەكشە كوڭىل بولىنگەن جەتكىزدى.

"ٴبىزدىڭ ماقساتىمىز – ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسىن 2050 جىلعا دەيىن كەم دەگەندە 50% جەتكىزۋ. بۇعان ەش كەدەرگى جوق. سەبەبى قازاقستان ازاماتتارى اۋىلدا دا، قالادا دا ٴوز بيزنەسىن جۇرگىزۋ ٴۇشىن 16 ميلليون تەڭگەگە دەيىن شاعىن نەسيە الىپ جۇمىس جاساۋعا مۇمكىندىكتەر قاراستىرىلىپ وتىر"، - دەيدى ٴشارىپ ٴابدىراحمانوۆ.

«دامۋ» كاسىپكەرلىكتى قولداۋ قورى قىزىلوردا وبلىستىق فيليالنىڭ مەنەدجەرى باعدات جومارتوۆ، كاسىپ اشقىسى كەلەتىن ستۋدەنت جاستارعا قور ارقىلى بيزنەس جوسپار جاساپ، تەگىن وقۋ كۋرستارىنا قاتىسىپ، ەكىنشى دەڭگەيلى بانكتەر ارقىلى جەڭىلدەتىلگەن نەسيە الۋعا بولاتىندىعىن ٴتۇسىندىردى. سونداي-اق ول ٴوز سوزىندە «اتامەكەن» ۇلتتىق كاسىپكەرلىك پالاتاسى جانە «قازاگرو»-نىڭ وبلىستىق فيليالدارى ماماندارىمەن بىرگە قالاعا قاراستى اۋىلدىق وكرۋگ تۇرعىندارىنا ارنالعان «كەڭەس بەرۋ كۇنى» اكسيالارى ۇيىمداستىرىلىپ وتىرعاندىعىن ايتتى.

"اكسيا بارىسىندا جۇمىسسىز جانە از قامتىلعان وتباسى بالالارىن كاسىپكەرلىككە تارتۋ ماقساتىندا كەڭەس، اقپارات بەرۋ جۇمىستارى جۇرگىزىلۋدە. بۇل شارا بۇگىنگى كۇنگە دەيىن 7 اۋىلدىق وكرۋگتە وتكىزىلدى. بولاشاقتا توقسانىنا ٴبىر رەت وتكىزۋدى جوسپارلاپ وتىرمىز»،- دەدى باعدات جومارتوۆ.

پارتيانىڭ ٴباسپاسوز قىزمەتى مالىمدەگەندەي، كەزدەسۋ بارىسىندا جاستار ماماندارمەن ەركىن پىكىر الماسىپ، سۇراقتارىن قويدى. كاسىپكەرلەر بيزنەس جولىندا باستارىنان وتكەن قيىندىقتارعا جانە جەتكەن جەتىستىكتەرىنە توقتالىپ، جاھاندانۋ زامانىندا بيزنەستىڭ جاڭا تۇرلەرىمەن شۇعىلدانۋعا كەڭەس بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي