BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ج.اسانوۆ بيزنەستەگى زاڭ بۇزۋشىلىقتار ٴۇشىن كىنالى ۆيسە-مينيسترلەردى دە جاۋاپقا تارتۋعا شاقىردى

فوتو: prokuror.gov.kz

بيزنەس سالاسىنداعى قۇقىق بۇزۋشىلىقتار جايلى ەستىگەن باس پروكۋرور جاقىپ اسانوۆ كىنالى شەنەۋنىكتەردى، ٴتىپتى ۆيسە-مينيسترلەردى دە جازاعا تارتۋعا شاقىردى. بۇل تۋرالى ول «بيزنەستى قورعاۋ جونىندەگى جول كارتاسىن جۇزەگە اسىرۋ بارىسى» تاقىرىبىن ارقاۋ ەتكەن قر باس پروكۋراتۋراسىنىڭ القا ماجىلىسىندە مالىمدەدى، دەپ حابارلايدى baq.kz ٴتىلشىسى.

«بۇگىندە بيزنەس سالاسىنداعى قۇقىق بۇزۋشىلىقتارعا عانا ەمەس، شەنەۋنىكتەردىڭ جۇمىسىنا دا باعا بەرۋ كەرەك. مەملەكەتتىك قىزمەت جانە سىبايلاس جەمقورلىققا قارسى اگەنتتىگىمەن بىرلەسە وتىرىپ، تەكسەرىستەر وتكىزىپ، ماسەلەنى شەشكەن ٴجون. ەشتەڭە بولمايدى. قورقۋدىڭ قاجەتى جوق. ەرتەڭ ول قىزمەتكەرلەردىڭ جارتىسى جۇمىستان كەتسە دە، ٴىستى اياعىنا دەيىن جەتكىزۋ كەرەك. بارىنە ساباق بولسىن! ٴاربىر ادام ٴوز باسىمەن جاۋاپ بەرمەيىنشە، ٴىس وڭالمايدى. سولاردىڭ ىشىندە «ا» كورپۋسىنا كىرەتىن ساياسي قىزمەتكەرلەر دە بار. بىرەۋگە قاتىستى xات جازىپ وتىرۋدىڭ قاجەتى جوق. ونى ەشكىم وقىمايدى دا. ٴاربىر ادامدى ناقتى ٴارى قىسقا مەرزىمگە تارتىپتىك جازاعا تارتۋ قاجەت. بۇل ۆيسە-مينيسترلەرگە دە، كوميتەت ٴتوراعالارىنا، باسقارما مەن ٴبولىم باسشىلارىنا دا قاتىستى. سوندا عانا ناقتى ناتيجەگە قول جەتكىزە الامىز»، - دەدى باس پروكۋرور.

ٴوز سوزىندە ج.اسانوۆ سىبايلاس جەمقورلىققا قارسى قۇزىرەتتى ورگانمەن بىرلەسە وتىرىپ، قارجى مينيسترلىگى، ۇلتتىق ەكونوميكا مينيسترلىگى جانە تاعى باسقا ورگاندارعا قاتىستى ناقتى تەكسەرىس باستاۋعا شاقىردى. باس پروكۋرور وسى جۇمىستى ەكونوميكالىق قىلمىستاردى تەرگەۋ قىزمەتىنىڭ باستىعىنان باستاۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي