BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىلدا 180-گە جۋىق كاسىپكەردىڭ قۇقىعى قورعالدى 

فوتو: интернеттен

اعىمداعى جىل باسىنان بەرى وبلىستا كاسىپكەرلەردەن تۇسكەن 178 ٴوتىنىش قارالىپ، داۋلى ماسەلەلەر تيىسىنشە شەشىلۋدە. بۇل جونىندە جامبىل وبلىسى كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى قايرات سىدىقوۆ مالىمدەدى، دەپ حابارلايدى baq.kz ٴتىلشىسى.

«ۇلتتىق پالاتانى قۇرۋدىڭ ماقساتى كاسىپكەرلىكتى دامىتۋ جانە ودان ٴارى دامىتۋ ٴۇشىن ينستيتۋسيونالدىق نەگىز قالىپتاستىرۋ، سونداي-اق كاسىپكەرلىك سۋبەكتىلەرىنىڭ قۇقىقتارى مەن زاڭدى مۇددەلەرىن تانىستىرۋ، قامتاماسىز ەتۋ جانە قورعاۋ بولىپ تابىلادى. 2018 جىلدىڭ باسىنان بۇگىنگى كۇنگە دەيىن 178 ٴوتىنىش قارالدى، ونىڭ ىشىندە 73 ٴوتىنىش بويىنشا وڭ شەشىم شىعارىلىپ، 59 ٴوتىنىش بويىنشا تۇسىنىكتەمە بەرىلدى. 7 ٴوتىنىش ٴىس جۇرگىزۋ بويىنشا توقتاتىلدى جانە قالعان وتىنىشتەر بويىنشا ٴالى دە جۇمىستار اتقارىلۋدا»، - دەدى پالاتا وكىلى.

سىدىقوۆتىڭ ايتۋىنشا، وتكەن جىلى كەلىپ تۇسكەن وتىنىشتەردىڭ باسىم بولىگى شاعىن بيزنەسكە تيەسىلى بولسا، اعىمداعى جىلى دا وسى قارقىن ساقتالىپ وتىر.

«قورعالعان سوما 11،9 ملن تەڭگەنى قۇرايدى. سونىڭ ىشىندە، بۇل سومانىڭ 20% ورتا بيزنەس سۋبەكتىلەرىنە قاتىستى بولسا، قالعان 80% شاعىن بيزنەسكە تيەسىلى. پالاتا وكىلدەرى كاسىپكەرلىك سۋبەكتىلەرىن سوتتا قورعايدى. وتكەن كەزەڭدە پالاتا وكىلدەرى 18 سوت پروسەسىنە قاتىسىپ، 12 ٴىس كاسىپكەردىڭ پايداسىنا شەشىلدى، 3 ٴىس سوت قاراۋىندا جاتىر»، - دەپ مالىمدەدى ديرەكتور ورىنباسارى.

بەلگىلى بولعانداي، وبلىستاعى كاسىپكەرلەر پالاتاسىنىڭ ماماندارى كونسۋلتاتيۆتىك-كەڭەسشى ورگاندارعا قاتىسىپ، كاسىپكەرلىك مۇددەلەرىن قورعاۋ جانە جۇيەلىك سيپاتتاعى پروبلەمالىق ماسەلەلەردى انىقتاۋ بويىنشا جۇمىستار جۇرگىزەدى.

«بۇگىنگى كۇنى كاسىپكەرلەر پالاتاسىنىڭ وكىلدەرى 42 كونسۋلتاتيۆتىك-كەڭەسشى ورگانعا قاتىسادى. پالاتا اتالعان ورگان قۇرامىن ساپالى وزگەرتۋ جانە ولاردى بيزنەس پەن بيلىكتىڭ ٴوزارا ٴىس-قيمىلى پروسەسىندە نەگىزگى ديالوگ الاڭدارى رەتىندە پايدالانۋ بويىنشا ماقساتتى جۇمىستار جۇرگىزەدى. قازىرگى ۋاقىتتا جۇمىس ىستەپ تۇرعان كونسۋلتاتيۆتىك-كەڭەسشى ورگان وبلىستىق دەڭگەيدە كوميسسيانىڭ 50% بيزنەس وكىلدەرى قۇرايدى»، - دەپ تۇيىندەدى سىدىقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي