BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جالاعاش اۋدانىندا ميا زاۋىتى اشىلدى

استانا. 29 جەلتوقسان. baq.kz – بۇگىن جاڭا جىل قارساڭىندا جالاعاش اۋدانىندا ميا ٴوسىرۋ جانە تامىرىن وڭدەۋ زاۋىتى اشىلدى. سالتاناتتى راسىمگە وبلىس اكىمى قىرىمبەك كوشەربايەۆ قاتىسىپ، نىساننىڭ لەنتاسىن قيدى. 

جالپى قۇنى 2 402،0 ملن. تەڭگەنى قۇرايتىن «بيس-گرۋپپ» ٴجشس-نىڭ «قىزىل ميا ٴوسىرۋ جانە تامىرىن وڭدەۋ» ينۆەستيسيالىق جوباسى الداعى ۋاقىتتا 156 ادامدى تۇراقتى جۇمىسپەن جانە 500 ادامدى ماۋسىمدىق جۇمىسپەن قامتيتىن بولادى.

جوبا تولىق ىسكە قوسىلعان جاعدايدا جىلىنا 6000 توننا ميا تامىرى وڭدەلىپ، ميا وسىمدىگىنىڭ ەكستراكتىسى، ميا وسىمدىگىنىڭ كرەمى، گليسيريزين قىشقىلىنىڭ ۇنتاعى، پوليساحاريد، فلاۆونويد سەكىلدى 5 ٴتۇرلى كومپونەنت الىنادى. زاۋىتتى سالاتاناتتى تۇردە ىسكە قوسقان ايماق باسشىسى كاسىپورىن جۇمىسىنا ساتتىلىك تىلەدى.

- بۇل زاۋىت رەسپۋبليكا كولەمىندەگى تەڭدەسى جوق ٴوندىرىس ورنى. ايماق ەكونوميكاسىنا ايتارلىقتاي ۇلەس قوسىپ، ٴارى ٴارتاراپتاندىرۋعا مۇمكىندىك بەرەدى، - دەدى وبلىس اكىمى ق.كوشەربايەۆ.

شيكىزات وڭىردە جەتكىلىكتى. ٴقازىردىڭ وزىندە 27 شارۋاشىلىقپەن كەلىسىم جاسالعان. بۇعان قوسا، «بيس-گرۋپپ» جشس 10 مىڭ گەكتار جەرگە ميا تامىرىن ەكتى. جالپى، وبلىستا 80 مىڭ گەكتار القاپتا قىزىل ميا قورى بار. قىزىل ميا مەن ونىڭ تامىرىندا گليكوزيد، ساحاروزا، ەفير مايى، ورگانيكالىق قىشقىلدار، مينەرال تۇزدارى بار. وسى قاسيەتتەرىنە بايلانىستى ولار مەديسينادا، تاماق ونەركاسىبىندە قولدانىلادى. قىزىل ميانىڭ تامىرى بىرنەشە اۋرۋعا ەم، دەرتكە داۋا ەكەندىگى الدەقاشان دالەلدەنگەن. سوندىقتان بۇل كاسىپورىننىڭ بولاشاعى زور.

ايتا كەتەيىك، بۇعان دەيىن مۇنداي زاۋىت شيەلى اۋدانىندا اشىلعان بولاتىن. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي