BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاقسىلىق ۇشكەمپىروۆ: «مەنىڭ 5 مىڭنان استام ٴىرى قارا مالىم بار»

 استانا. 3 ٴساۋىر. baq.kz – بۇگىن استانا قالاسىندا قازاقتىڭ اقباس تۇقىمىنىڭ رەسپۋبليكالىق پالاتاسىنىڭ جينالىسى ٴوتىپ جاتىر. پالاتا ٴتوراعاسى قابىل يسابەكوۆ رەسپۋبليكاداعى ۇزدىك دەپ تانىلعان اسىل تۇقىمدى ٴىرى قارا مالىن ٴوسىرۋشى شارۋا قوجالىقتارىن ماراپاتتادى.

قىزىلوردا وبلىسى بويىنشا «بەرەكەت» ، «باستاۋ» جشس، قاراعاندى وبلىسى «مەرەكە»، اقتوبە وبلىسى «ستەپنوي» ، پاۆلودار وبلىسى «تابىس» ، سولتۇستىك قازاقستان وبلىسى «جانباي» جشس، شىعىس قازاقستان وبلىسى «ەلىماي» ، جامبىل وبلىسى «تالدى بۇلاق» شارۋا قوجالىقتارىنا «وبلىس چەمپيونى» نوميناسيالارى تابىستالدى.
تۇڭعىش وليمپيادا چەمپيونى جاقسىلىق ۇشكەمپىروۆتىڭ شارۋاشىلىعى الماتى وبلىسى بويىنشا ۇزدىك بولىپ تانىلدى، كاسىپكەر ٴوز سوزىندە جاستاردى اتا كاسىپپەن اينالىسۋعا شاقىردى.
«مەن اتا-بابالارىمنىڭ قالدىرعان مۇراسىن جالعاستىرۋشىمىن. بيىل قىس جىلى بولدى. ٴقازىر مالدىڭ تولدەپ جاتقان ۋاعى. بىلتىر الماتى وبلىسىنىڭ اتىنان ەكسپورتقا مەن عانا شىعارىپپىن. ەلباسى وسى ٴۇشىن ماعان راحمەت ايتتى. ٴونىدىرىسىمىزدى وزىمىزگە عانا ەمەس، وزگە مەملەكەتتەرگە ەكسپورتتاپ، ەل ەكەنىمىزدى كورسەتۋىمىز كەرەك. ەڭبەكتىڭ ارقاسىندا، مەنىڭ ٴقازىر 5 مىڭنان استام اسىل تۇقىمدى ٴىرى قارا مالىم بار. جاستارعا مەن ۇلگى بولسام، ولار اتا كاسىبىمىز مال شارۋاشىلىعىن ارى قاراي جالعاستىرسا ەكەن دەيمىن» دەدى ج. ۇشكەمپىروۆ.
جينالىسقا قاتىسۋشى قر اۋىل شارۋاشىلىعى ٴمينيسترى ا. مامىتبەكوۆتىڭ سوزىنشە، ەلىمىزدە قازاقتىڭ اقباس سيىرىن كوبەيتۋمەن 7200 شارۋاشىلىق اينالىسادى، وندا 217 930 مال باسى بار. ەلدە اقباس سيىردىڭ ەتى بارلىق ۇلەستىڭ 61،4 پايىزىن قۇرايدى.

 

 ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي