BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زاڭسىز جەر قويناۋىن قازۋشىلار 5 جىلعا دەيىن باس بوستاندىعىنان ايىرىلۋى مۇمكىن

فوتو: karaganda-region.gov.kz

استانا، baq.kz. قاراعاندى وبلىسىندا كاسىپكەرلەردىڭ شاعىمدارىنان سوڭ «زاڭسىز قازۋشىلارمەن» كۇرەس ۇدەتىلدى. جەر قويناۋىن ۇرلاۋشىلارعا قارسى 8 قىلمىستىق ٴىس قوزعالعان. سونىمەن قاتار جيىرمادان استام ماتەريالدار شەشىم قابىلداۋ ٴۇشىن پوليسيا مەن ەكولوگيا دەپارتامەنتىنە جىبەرىلگەن. بۇل تۋرالى قاراعاندى وبلىسى اكىمدىگىنىڭ ٴباسپاسوز قىزمەتى حابارلايدى.

بۇل ماسەلە مامىردا وبلىس اكىمدىگى جانىنداعى كاسىپكەرلىك ماسەلەلەرى جونىندەگى كوميسسيدا كوتەرىلگەن بولاتىن. سودان كەيىن بيلىك وكىلدەرى جۇمىس توبىن قۇرعان، ونىڭ قۇرامىنا قۇقىق قورعاۋ جانە كۇش ورگاندارى مەن جەر قويناۋىن پايدالانۋشىلاردىڭ وكىلدەرى ەنگەن.

«ٴبىز جالپىعا تاراعان پايدالى قازبالاردى زاڭسىز تۇردە قازۋدىڭ الدىن الۋ ٴۇشىن جول كارتاسىن قۇرعان بولاتىنبىز. اۋىلدىق اكىمدىكتەر مەن ۋچاسكەلىك ينسپەكتورلاردان باستاپ بارلىق مەملەكەتتىك ورگاندار بۇل باعىتتا جۇمىستارىن ۇدەتتى. رەيدتەردىڭ ناتيجەسىندە ماۋسىمنان باستاپ زاڭسىز جەر قويناۋىن قازۋدىڭ 30 دەرەگى تىركەلگەن»، - دەپ مالىمدەدى وبلىس اكىمىنىڭ ورىنباسارى سەرىك شايداروۆ ينۆەستيسيالاردى جۇمىلدىرۋ جانە ايماقتىڭ ينۆەستيسيالىق كليماتىن جاقسارتۋ بويىنشا كەڭەس پەن كاسىپكەرلىك ماسەلەلەرى جونىندەگى كوميسسيانىڭ بىرلەسكەن وتىرىسىندا.

قىلمىستىڭ اۋماعى كەڭ: جەزقازعاننان باستاپ نۇرا اۋدانىنا دەيىن. ەڭ كوپ دەرەكتەر بۇقار جىراۋ اۋدانىندا تىركەلگەن – 10.

سەگىز فاكتى بويىنشا قر قك 334 بابى «جەر قويناۋىن ٴوز بەتىنشە پايدالانۋ» بويىنشا قىلمىستىق ىستەر قوزعالدى. بۇل قىلمىس ٴۇشىن بەس جىلعا دەيىن باس بوستاندىعىنان ايىرۋ نەمەسە ۇلكەن ايىپپۇل قاراستىرىلعان – كەلتىرىلگەن شىعىنعا بايلانىستى 3000 ايلىق كورسەتكىش كولەمىندە.

«ٴبىزدىڭ شاعىمدارىمىز ەلەنىپ، ارەكەتتەر جاسالدى. ەندى ٴقازىر جاعداي تۇبەگەيلى وزگەردى. اشىق جانە ارسىز تۇردە ۇلكەن كولەمدە ەكسكاۆاتورلار مەن جۇك تيەۋشى تەحنيكانى قولدانا وتىرىپ، جەر قويناۋىن توناۋ دەرەكتەرى جوق»، - دەدى كاسىپكەر الەكساندر كيكۋ.

ونىڭ ايتۋىنشا، ايماعىمىزدا قۇم-قيىرشىق تاس قوسپاسىنا سۇرانىس 60%-عا وسكەن. ول قۇرىلىس ناۋقانى قارقىندىراق بولۋىمەن بايلانىستى. زاڭسىزباسەكەلەستىكتى جويۋ بارلىعىنا تەڭ وڭ اسەرىن ەتۋدە. زاڭدى جەر قويناۋىن پايدالانۋشىلار نارىقتا باسىمدىلىققا يە بولدى، ال مەملەكەت – قوسىمشا سالىق جيناقتارىنا يە بولىپ وتىر.

وبلىس اكىمى ەرلان قوشانوۆ بۇل جۇمىستى جۇيەلى تۇردە ٴالى دە جالعاستىرۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي