BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زايسان قالاسىنا گاز تارتىلادى

استانا. 6 قىركۇيەك.baq.kz - زايسان قالاسىنا گاز تارتىلىپ، مايقاپشاعايدا لوگيستيكالىق ورتالىق اشىلادى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە ۇيىمداستىرىلعان بريفينگ بارىسىندا اتالعان ٴوڭىر باسشىسى بەردىبەك ساپاربايەۆ ٴمالىم ەتتى دەپ حابارلايدى قازاقپارات 

«ۇكىمەتتىڭ قولداۋىمەن، كومەگىمەن 1 قازاندا زايسان قالاسىنىڭ تۇرعىندارىنا گاز بەرەمىز. ودان كەيىنگى كەزەكتە 9 ەلدى مەكەن بار. مايقاپشاعاي جونىندە ٴبىزدىڭ ۇلكەن كەلىسىمدەرىمىز بار. سول جەردە ٴبىز لوگيستيكالىق ورتالىق اشۋىمىز كەرەك»، - دەدى ٴوڭىر باسشىسى.

بۇل رەتتە قىتايدان كوپتەگەن تەحنيكا، دەتالداردى الاتىنىمىزعا نازار اۋدارعان ب.ساپاربايەۆ مۇنى دوعارۋ قاجەتتىگىن باسا ايتتى. ماسەلەن، ونىڭ پايىمىنشا، كورشى ەلدەن تراكتورعا قاجەتتى كەيبىر دەتالداردى عانا الىپ، ال شەكارادا قىتايمەن بىرلەسىپ ونى قۇراستىرعان دۇرىس.

«جالپى جاقىندا ٴبىز ۇكىمەتكە ۇسىنىس جاسادىق. مەملەكەت باسشىسىنىڭ شەكارالىق ەلدى مەكەندەردى دامىتۋ جونىندە بەرگەن تاپسىرماسى بار. ٴقازىر ۇكىمەتتە ارنايى باعدارلاما قابىلدانىپ جاتىر. وعان زايسان دا، كۇرشىم دە، ٴۇرجار دا، باسقا دا اۋداندار دا كىرەدى»، - دەدى وبلىس اكىمى.

اۆتور: مارلان جيەمباي 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي