BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆيسە-مينيستر: شقو-نىڭ ٴسۇت ونىمدەرىنىڭ ساپاسى وزگە ەلدەردىڭ ونىمدەرىنەن الدەقايدا جوعارى

 استانا. 2 شىلدە. baq.kz - شقو-نىڭ ٴسۇت ونىمدەرىنىڭ ساپاسى وزگە ەلدەردىڭ ونىمدەرىنەن الدەقايدا جوعارى. وبلىسقا قوسىمشا قۇن سالىعىنا سۋبسيديا ٴبولۋ ەرەجەسىن ٴتۇسىندىرۋ جۇمىسىمەن كەلگەن قازاقستان رەسپۋبليكاسىنىڭ اۋىلشارۋاشىلىق ۆيسە-مينيسترى ەرمەك كوشەربايەۆ ونىمدەرگە قاتىستى وسىنداي پىكىرىن ٴبىلدىردى، دەپ حابارلايدى شىعىس قازاقستان اقپاراتتىق ورتالىعى.

  وبلىس ورتالىعىنا ٴىس-ساپارى بارىسىندا ەرمەك كوشەربايەۆ ٴسۇت وڭدەۋشى كاسىپورىنداردا بولىپ، ٴوندىرىس وشاقتارىنىڭ ٴونىم ساپاسىنا جانە زاماناۋي قۇرال-جابدىقتارىنا جوعارى باعا بەرە وتىرىپ، ايران، بيويوگۋرت، ىرىمشىك سىندى ونىمدەردىڭ ٴدامىن تاتىپ كوردى.
­– بۇگىنگى كۇنى وڭدەۋشى جانە دايىنداۋشى بارلىق اينالىمنان ققس تولەي وتىرىپ، ققس تولەمەيتىن ٴتۇرلى شارۋا قوجالىقتارىنان شيكىزاتتى ساتىپ الادى. بۇنىڭ سالدارىنان وڭدەۋشىلەردە جانە دايىنداۋشىلاردا باعا وسكەندىكتەن، ٴونىمنىڭ باسەكەگە قابىلەتتىلىگى تومەندەيدى. سوندىقتان، اتالعان سۋبەكتىلەردى ققس تولەۋدەن بوساتۋ نەمەسە ققس باعاسىن ٴتۇسىرۋ جولى قاراستىرىلعان بولاتىن، – دەدى ەرمەك كوشەربايەۆ.
كاسىپورىن جۇمىسىمەن تانىسۋ بارىسىندا ۆيسە-مينيستر شىعىس قازاقستان وبلىسىنىڭ ساۋدا ورىندارىنىڭ وزگە ەلدەردە اشىلۋ جولدارى قاراستىرىلىپ وتىرعاندىعىن اتاپ ٴوتتى.
ەندىگى كەزەكتە ۆيسە-مينيستر ەرمەك كوشەربايەۆ سولتۇستىك قازاقستان وبلىسىنا اتتانىپ، دايىنداۋشى كاسىپورىن يەلەرىنە جانە كاسىپكەرلەرگە ازىرلەۋشى ۇيىمدارعا قوسىمشا قۇن سالىعىنا سۋبسيديا ٴبولىنۋ ەرەجەسىن تۇسىندىرمەك.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي