BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴۇش اۋدان ەلىمىزدى كۇرىشپەن تولىقتاي قامتاماسىز ەتىپ وتىر

 استانا. 20 قىركۇيەك. baq.kz- بۇل تۋرالى قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ ٴباسپاسوز كونفەرەنسياسىندا قىزىلوردا وبلىسىنىڭ اكىمى قىرىمبەك كوشەربايەۆ ايتتى دەپ حابارلايدى baq.kz ٴتىلشىسى.

 «قىزىلوردا وبلىسىنىڭ ٴۇش اۋدانى ەلىمىزدى كۇرىشپەن تولىقتاي قامتاماسىز ەتىپ وتىر. كۇرىش باعاسىنىڭ تۇراقتى بولۋىنا بۇل جاعداي اسەر ەتەرى ٴسوزسىز. سوندىقتان ٴبىز كۇرىش كلاستەرىن دامىتۋدى قولعا الدىق. كۇرىش ەگەتىن ديقانداردىڭ شارۋاشىلىعىنىڭ 40 پايىزىن قازىرگى ۋاقىتتا مەملەكەت سۋبسيديالاۋدا»،- دەدى وبلىس اكىمى.
سونىمەن قاتار، ق.كوشەربايەۆ كۇرىش تۇقىمىن جەتىلدىرە ٴتۇسۋ ٴۇشىن عىلىمي ينستيتۋتتا ارنايى جۇمىستار جۇرگىزىپ وتىرعانىن جەتكىزدى.
«وبلىستاعى حالىقتىڭ 60 پايىزى اۋىلدىق جەردە تۇراتىنىن ەسكەرسەك، شارۋاشىلىقتىڭ بۇل تۇرىمەن اينالىسۋ وتە ماڭىزدى. ەلباسى نۇرسۇلتان نازاربايەۆتىڭ اكىمدەردىڭ الدىنا قويعان مىندەتتەرىندە اۋىل شارۋاشىلىعىن دامىتۋدى ۇنەمى نازارىندا ۇستاپ كەلەدى. مەملەكەت باسشىسىنىڭ بۇل تاپسىرماسى سىر وڭىرىندە ٴوز ناتيجەسىن بەرۋدە» - دەپ مالىمدەدى ق.كوشەربايەۆ.
ايتا كەتەيىك، ەلىمىزدى كۇرىشپەن قامتاماسىز ەتۋدە وبلىستىڭ سىرداريا، جالاعاش جانە شيەلى اۋداندارىنىڭ ماڭىزى وتە ەرەكشە بولىپ وتىر.

 

نۇرسەرىك جولبارىس

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي