BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۋكراين پرەمەرى قازاقستاننىڭ ان-74 كولىك ۇشاعىن ساتىپ العانىن حابارلادى

قازاقستان ۋكراينادان ان-74 ۇشاعىن ساتىپ الدى. بۇل تۋرالى ۋكراينا پرەمەر-مينيسترى ۆلاديمير گرويسمان فەيسبۋكتە جازدى.

«جاڭا رىنوكتاردى يگەرىپ، ەكسپورتتىق پوتەنسيالدى دامىتۋ جولىندا ٴارى قاراي دا جۇمىس ىستەۋدى جوسپارلاپ وتىرمىز»، - دەدى ۇكىمەت باسشىسى. حاركوۆ اۆياسيا زاۋىتىندا جاسالاتىن اۋە كەمەسىنىڭ باعاسى 15 ميلليون دوللار بولعان. اقشا اۋدارىلىپ قويدى، ۇشاق قازاقستانعا كەلەسى جىلى جەتكىزىلەدى.

اۆيازاۋىتتىڭ باس ديرەكتورى الەكساندر كريۆوكوننىڭ سوزىنە قاراعاندا قازاقستان وسىنداي تاعى ٴتورت ۇشاققا تاپسىرىس بەرۋى مۇمكىن.

ان-74 قانداي ۇشاق؟

بۇل اۋە كەمەسى اركتيكا جانە انتاركتيدادا، قيىر سولتۇستىكتىڭ تابيعات جاعدايىندا جانە تاۋلى اۋدانداردا جۇك تاسۋ ٴۇشىن شىعارىلعان بولاتىن. شاعىن جانە ورتا قاشىقتىققا سەلسيي بويىنشا -60 پەن +45 گرادۋس ارالىعىنداعى كليمات جاعدايىندا جۇك، تەحنيكا جانە ادامدار تاسۋعا ارنالعان.

جىل مەن تاۋلىكتىڭ كەز كەلگەن ۋاقىتىندا بەتون، مالتاتاس، مۇز جانە قار توسەنىشتى اەرودومدارعا قونىپ، ۇشا الادى.

ۇشاق 7،5 تونناعا دەيىن جۇكتى 10 100 مەتر بيىكتە 550-700 كم/ساعات ارالىعىنداعى كرەيسەرلىك جىلدامدىقپەن الىپ جۇرە الادى.

informburo.kz حابارلاۋىنشا، قازاقستان بۇل ۇشاقتى ۇلتتىق ۇلان ٴۇشىن الماق جانە وعان تاپسىرىستى 2015 جىلى بەرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي