BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەتتىك ەمەس ۇيىمدار اراسىندا مەملەكەتتىك گرانتقا بايقاۋ جاريالاندى

«ازاماتتىق باستامالاردى قولداۋ ورتالىعى» كەاق-ى ۇكىمەتتىك ەمەس ۇيىمدار ٴۇشىن مەملەكەتتىك گرانتتارعا بايقاۋ جاريالايدى، دەپ حابارلايدى baq.kz اقپارات اگەنتتىگى.

قازاقستان رەسپۋبليكاسىنىڭ «قازاقستان رەسپۋبليكاسىنداعى ۇكىمەتتىك ەمەس ۇيىمدارعا ارنالعان مەملەكەتتىك الەۋمەتتىك تاپسىرىس، گرانت جانە سىياقى تۋرالى» زاڭىنا، قر مادەنيەت جانە سپورت ٴمينيسترى بەكىتكەن 2015 جىل 25 جەلتوقسانداعى №413، ٴدىن ىستەرى جانە ازاماتتىق قوعام ٴمينيسترى م.ا. جارلىعىمەن رەداكسيالانعان 2017 جىل 18 تامىزداعى №123 ۇكىمەتتىك ەمەس ۇيىمدارعا گرانت ٴبولۋ جانە ونىڭ جۇزەگە اسىرىلۋىنا مونيتورينگ جۇرگىزۋ ەرەجەسىنە سايكەس، قر ٴدىن ىستەرى جانە ازاماتتىق قوعام مينيسترلىگى جانىنداعى ورتالىق ازاماتتىق باستامالاردى قولداپ، الەۋمەتتىك سالانىڭ دامۋىنداعى وزەكتى پروبلەمالاردى شەشۋگە ازاماتتىق ينستيتۋتتار الەۋەتىن تارتۋ ٴۇشىن ۇكىمەتتىك ەمەس ۇيىمدارعا مەملەكەتتىك گرانتتار ۇسىنادى.

گرانتتى قارجىلاندىرۋ وپەراتورى رەتىندە قر ٴدىن ىستەرى جانە ازاماتتىق قوعام مينيسترلىگى جانىنان 2016 جىلى ارنايى ورتالىق قۇرىلدى.

العاشقى جىلى 88 ٴوتىنىش ٴتۇسىپ، 194،5 ملن تەڭگەگە 11 جوبا جۇزەگە اسىرىلسا، 2017 جىلى ٴوتىنىش سانى 512-گە جەتىپ، 618،5 ملن تەڭگەگە 57 جوبا قارجىلاندىرىلدى.

2018 جىلى ۇكىمەتتىك ەمەس ۇيىمدارعا 900 ملن تەڭگەگە 87 گرانت بولىنەدى.

بايقاۋ تۋرالى تولىق اقپاراتتى http://cisc.kz/media/news/1181/ سىلتەمەسى بويىنشا تابا الاسىزدار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي