BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇرىك ينۆەستورلارى قازاقستاندا جالپى قۇنى 590 ملن دوللاردى قۇرايتىن 9 جوبانى ىسكە اسىرماق

فوتو: Абзал Қалиев

بۇگىن «kazakh invest» كومپانياسى مەن تۇرىك ينۆەستورلارى جالپى سوماسى 590 ملن اقش دوللارىن قۇرايتىن 9 ينۆەستيسيالىق قۇجاتقا قول قويدى، دەپ حابارلايدى baq.kz ٴتىلشىسى.

كەلىسىمدەر مەن مەموراندۋمدار «calik holding»، «اgrobest group»، «yildirim holding»، «yildizlar sss holding» جانە باسقا دا تۇرىك حولدينگتەرى اراسىندا جاسالدى. بۇل كومپانيالار قازاقستان اۋماعىندا قىش تاقتايشا زاۋىتىن، گاز-ەلەكتر ستانسياسىن، كالسيي قوسىلعان سودا زاۋىتىن، گەبيسيد ٴوندىرىسى، ويىن-ساۋىق ورتالىقتارى سەكىلدى ٴبىرقاتار جوبانى جۇزەگە اسىرماق.

«بۇگىن ٴبىز قر پرەمەر-مينيسترىمەن بىرگە ۇلكەن تۇرىك كومپانيالارىمەن كەلىسسوزدەر جۇرگىزدىك. ولاردىڭ كەيبىرى بۇرىننان وسىندا جۇمىس ىستەيدى، كەيبىرى قازاقستانداعى ەنەرگەتيكا، اۋىل شارۋاشىلىعى سالالارىن سىرتتان باقىلاپ، قىزىعۋشىلىق تانىتىپ وتىر. بۇگىنگى مەموراندۋم بويىنشا «calik holding» ەنەرگەتيكالىق نىساندار سالماقشى. «اgrobest group» بولسا جىل سوڭىنا دەيىن الماتى وبلىسىندا گەربيسيد وندىرەتىن جوبانى ىسكە قوسپاق. «yildirim holding» جامبىل وبلىسىندا كالسيي قوسىلعان سودا ٴوندىرىسىن جۇزەگە اسىرۋدى جوسپارلاپ وتىر. تۇرىك ينۆەستورلارىنىڭ مۇنداي باستامالارى قازاقستان ەكونوميكاسىنا وڭ ۇلەسىن قوسادى دەپ ويلايمىز. «kazakh invest» كومپانياسىنىڭ مىندەتى – ينۆەستورلارعا كومەك بەرۋ، قازاقستاندا بيزنەسىن جۇرگىزۋگە مۇمكىندىك بەرۋ. مۇنداي جوبالار ەلىمىزدىڭ گۇلدەنۋىنە اسەر ەتەدى»، - دەدى «kazakh invest» ۇك» اق باسقارما باسشىسى ماقسات قاباشەۆ.

سونىمەن بىرگە ول بارلىق جوبالار قازاقستان نارىعىن قامتىپ، ەكسپورتقا دا شىعاتىنىن اتاپ ٴوتتى. ٴوز سوزىندە گەربيسيد وندىرەتىن زاۋىت قۇرىلىسى قاراشا ايىندا باستالىپ، 12 ايدان سوڭ ىسكە قوسىلادى دەپ مالىمدەدى.

ينۆەستيسيالىق قۇجاتتارعا قول قويىلعان سوڭ مۇنداي جوبالار بىردەن ىسكە قوسىلمايدى. «kazakh invest» ۇك» اق ينۆەستيسيا تارتۋ دەپارتامەنتىنىڭ ديرەكتورى جاندوس ٴورازاليننىڭ ايتۋىنشا، تولىقتاي جوبالاردىڭ ىسكە قوسىلۋى 5 جىلعا دەيىن ۋاقىت الادى.

«مۇنداي كەلىسىمگە كەلۋ ٴۇشىن ٴبىراز جۇمىستار اتقارىلدى. تۇركياعا دا باردىق، وزىمىزدە دە كەزدەسۋلەر ٴوتتى. «ەكسپو-2017» كورمەسىنە كەلگەن تۇرىك كومپانيالارىمەن كەلىسسوزدەر ٴجۇردى. بۇگىن جالپى سوماسى 590 ملن اقش دوللارىن قۇرايتىن 9 قۇجاتقا قول قويىلدى. ٴار جوبانىڭ ٴوزىنىڭ ورىندالۋ مەرزىمى بولادى. تۇرىك ينۆەستورلارى ٴبىرىنشى ەلگە كەلىپ، ۇجىمدارىن قۇرۋ، قۇرىلىس جۇمىستارىن جۇرگىزۋ جۇمىستارى 3 جىلدان 5 جىلعا دەيىن ۋاقىتتى الادى. كەيبىر جوبالار 1-2 جىلدا جۇزەگە اسادى دەپ ويلايمىن»، - دەدى جاندوس ورازالين.

تۇرىك ينۆەستورلارى جوبانى جۇزەگە اسىرۋدىڭ العاشقى كەزەڭىندە شەتەلدىك جۇمىس كۇشىن قازاقستانعا اكەلەدى. ولار ٴوندىرىس نىساندارىنىڭ قۇرىلىسىن سالۋ، قۇرالدارمەن جابدىقتاۋ سەكىلدى جۇمىستاردى اتقارادى. سودان سوڭ قازاقستاندىق جۇمىس كۇشى پايدالانىلادى. ينۆەستيسيالىق جوبالار قازاقستاننىڭ بارلىق وبلىسىن قامتيدى.

قر پرەزيدەنتى 2016 جىلدىڭ ساۋىرىندە ىستانبۇلعا بارعان ساپارىنان كەيىن تۇركياداعى شاعىن جانە ورتا بيزنەس وكىلدەرى تاراپىنان، سونداي-اق ترانسۇلتتىق كومپانيالار تاراپىنان دا قازاقستانعا دەگەن قىزىعۋشىلىقتىڭ جىلدام وسكەنىن اتاپ وتكەن ٴجون. تۇرىك ينۆەستورلارى دايىن ٴونىمدى ەاەو جانە ورتالىق ازيا ەلدەرىنە ەكسپورتتاۋ مەن ٴوز ونەركاسىپتەرىن ورنالاستىرۋ الاڭى رەتىندە قاراستىرادى. سوڭعى ٴۇش جىلدا تۇركيادان كەلگەن ينۆەستورلار قازاقستاندا قايتا ينۆەستيسيالاۋدى جانە وندىرىستىك قۋاتتارىن ارتتىرۋدى بەلسەندى تۇردە جۇرگىزىپ وتىر.

سوڭعى بەس جىلدا تۇرىك ينۆەستورلارىمەن 667،5 ملن. اقش دوللارى سوماسىنا 18 جوبا ىسكە اسقان. الداعى ۋاقىتتا جاڭا 10 جوبانى جۇزەگە اسىرۋ جوسپارلانىپ وتىر.

بۇگىنگى كۇنى قازاقستان مەن تۇركيا اراسىنداعى ينۆەستيسيالىق باستامالاردىڭ جالپى پاكەتى 2،7 ملرد اقش دوللارىن قۇرايتىن 70 جوبا ىسكە ەنىپ، سونىڭ ىشىندە 31 جوبا ىسكە قوسىلدى. ال 40 جوبا الداعى ۋاقىتتا جۇزەگە اسىرىلۋى مۇمكىن. 2017 جىلدىڭ جارتىجىلدىق قورىتىندىسى بويىنشا سىرتقى ساۋدا اينالىمى 925،1 ملن تەڭگەنى قۇرادى.

فوتو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي