BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇلكىباستا وتاندىق تاۋار ۇسىناتىن ساۋدا ورتالىعى اشىلدى

 استانا. 17 شىلدە. baq.kz – وڭتۇستىك قازاقستان وبلىسى، تۇلكىباس اۋدانىندا وتاندىق تاۋارلاردى ۇسىناتىن جاڭا ساۋدا ورتالىعى اشىلدى. اۋماعى ەكى مىڭعا جۋىق شارشى مەتر بولاتىن ساۋدا ورنىنىڭ سورەلەرىندەگى تاۋارلاردىڭ 80 پايىزى وتاندىق ونىمدەردى قۇرايدى.

 جەرگىلىكتى ديحانداردىڭ ونىمدەرى ساۋدالاناتىن بۇل ورتالىقتا تۇرعىلىقتى جەردەگى 46 ادام جۇمىسپەن قامتىلىپ وتىر. جەرگىلىكتى ونىمدەردىڭ باعاسى دا نارىقتاعىدان الدەقايدا تومەن. ٴۇش قاباتتى عيمارات قۇرىلىسىنا 200 ملن. تەڭگە قارجى جۇمسالعان. ەڭ تومەنگى قاباتىندا نان ونىمدەرىن وندىرەتىن سەحتار، ەكىنشى جانە ٴۇشىنشى قاباتىندا ازىق-تۇلىك پەن كيىمدەر ساتىلادى. جينالعان قاۋىم ساۋدا ورتالىعىن ارالاپ كورىپ، قاجەتتى تاۋارلارىن الىپ، وزدەرىنە وسىنداي زاماناۋي ۇلگىدە قىزمەت ۇسىنىپ وتىرعان كاسىپكەرگە جانە اۋدانداعى شاعىن كاسىپكەرلىكتىڭ دامۋىنا جاعداي جاساپ وتىرعان اۋداندىق اكىمشىلىككە ريزاشىلىقتارىن ٴبىلدىردى. بۇل دا تۇلكىباس اۋدانىنىڭ تۇرعىندارىنىڭ تۇرمىس دەڭگەيىنىڭ جوعارىلاپ جاتقاندىعىن كورسەتسە كەرەك.
ەلباسى ۇكىمەتتىڭ كەڭەيتىلگەن وتىرىسىندا قازاقستان حالقىن وتاندىق ونىمدەردى تۇتىنۋعا شاقىرىپ، سونداي-اق، ەلىمىزدىڭ بارلىق وڭىرلەرىندەگى ساۋدا ورىندارىندا قازاقستاندىق ونىمدەرگە جەكە بۇرىش ٴبولىپ، باسقا يمپورتتىق تاۋارلاردىڭ تاساسىندا قالماۋىن تاپسىرعان بولاتىن. جەرگىلىكتى تاۋار وندىرۋشىلەردى قولداۋ ماقساتىندا بۇگىن ساۋدا ورتالىعى ەل يگىلىنە پايدالانۋعا بەرىلىپ وتىر دەدى اۋدان اكىمى ق.ابدۋاليەۆ بارشا تۇرعىنداردى ورازا ايت مەرەكەسىمەن قۇتتىقتاي وتىرىپ.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي