BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تىگىن سەحى جاراپ تۇر

استانا. 16 قىركۇيەك. baq.kz – اقمولا وبلىسى زلاتوپولە اۋىلىنىڭ تۇرعىنى يننا كامىشەۆا كاسىبىنىڭ تاسىن ورگە دومالاتىپ قانا قويماي، جەرگىلىكتى حالىقتى جۇمىسپەن قامتىدى. ول ٴۇشىن كاسىپكەر «اۋىل شارۋاشىلىعىن قارجىلاي قولداۋ قورىنان» تىگىن سەحىن ۇلعايتۋعا 3 ملن. تەڭگە سوماسىندا شاعىن نەسيە العان. قور قىزمەتكەرلەرىنىڭ كومەگىمەن بيزنەس-جوسپار قۇرىپ، سەحتى جوندەپ، بيزنەسكە قاجەتتى ماتەريالدار مەن قۇرالداردى – كومپيۋتەر، تىگىن ماشينا، ماتا، جىپتەر، فۋرنيتۋرانى - ساتىپ العان. سەحتە جەرگىلىكتى حالىقتىڭ تاپسىرىسى بويىنشا كيىم كەشەكتەر مەن پەردەلەر، كورپە، جاستىق تىستارى سياقتى تۇرمىستا قاجەتتى ٴتۇرلى زاتتار تىگىلەدى.
«قازىرگى تاڭدا سۋ جاڭا تىگىن ماشينالارى جۇمىستى جەڭىلدەتىپ، ۋاقىت ۇنەمدەۋگە مۇمكىندىك بەرىپ وتىر»، - دەيدى يننا كامىشەۆا.
كاسىپكەردىڭ بۇل سالادا جۇمىس ىستەپ كەلە جاتقانىنا ٴۇش جىلدان اسقان. ول بولاشاقتا اياق-كيىم جوندەۋ جانە شاشتاراز ورتالىقتارىن اشپاقشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي