BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەلەكوممۋنيكاسيا قىزمەتى ارزاندايدى

استانا. 14 جەلتوقسان. baq.kz – 2014 جىلدىڭ ٴبىرىنشى قاڭتارىنان باستاپ ەلىمىزدەگى تەلەكوممۋنيكاسيا قىزمەتتىنىڭ قۇنى جاپپاي ارزاندايدى. بۇل تۋرالى «كازاقتەلەكوم» اق ٴباسپاسوز قىزمەتىنە سىلتەمە جاساي وتىرىپ baq.kz ٴتىلشىسى حابارلايدى.

عالامتورعا دەگەن قولجەتىمدىلىكتى cdma evdو تەحنولوگياسى ارقىلى ارتتىرۋ ماقساتىندا «قازاقتەلەكوم» اق ەلدى-مەكەندەر ٴۇشىن ابونەتتىك تولەمدى 35% تومەندەتتى. ەندى اۋىل تۇرعىندارى قوسىمشا قۇن سالىعىن ەسەپتەگەندە ايلىق تولەم اقىسى 2000 تەڭگە بولعاندار 1300 تەڭگە، ال 4000 تەڭگە بولعاندار 2600 تەڭگە تولەيدى.
سونداي-اق، كومپانيا تەلەفون ارقىلى حالىقارالىق بايلانىس قۇنىن ٴتۇسىردى. ماسەلەن، وسىعان دەيىن قازاقستاندىقتار سويلەسۋ ۇزاقتىعى 21 سەكۋندتان اسقاندا رەسەيگە-15 تەڭگە، قىتايعا- 24 تەڭگە، گەرمانياعا-24 تەڭگە، ۇلىبريتانياعا-36 تەڭگە تولەپ كەلگەن. ال، 2014 جىلدىڭ 1 قاڭتارىنان باستاپ جەرىلىكتى حالىق سويلەسۋ ۇزاقتىعى 21 سەكۋندتان اسقاندا رەسەيگە-9 تەڭگە، قىتايعا- 16 تەڭگە، گەرمانياعا-16 تەڭگە، ۇلىبريتانياعا – 11 تەڭگە تولەيتىن بولادى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي